O padroado da Fundación Neira Vilas reuniuse esta tarde para designar a cinco novos membros, que tomarán posesión o 1 de febrero. Son Rosario Golmar Saavedra, docente de Lalín e escritora de literatura infantil; Pilar Lalín, experta en xestión de bibliotecas escolares; Beatriz Sánchez Iglesias, edil de Benestar Social de Vila de Cruces e graduada en Educación Infantil; José Manuel Lobato, presidente da Asociación Mestre Gacio, de Boqueixón; e Henrique Neira, xornalista e ademais cronista especializado na comarca da Ulla. Trala toma de posesión o vindeiro venres, o padroado abrirá o prazo para a designación do novo presidente, tralo falecemento de Luis Reimóndez Fernández o pasado 15 de decembro.
