Silleda Park acolle hoxe, desde as 19:00 horas, o espectáculo El Show de los Payasos. Combina música e baile a través da presenza dunha trintena de populares personaxes de debuxos animados, como A Patrulla Canina, Os Minions, Olaf e Elsa de Frozen, Angry Birds, Mickey e Minnie, Daisy e Donald, Bob Esponja, Peppa Pig, Piolín e Silvestre, Hello Kitty, Os Simpson ou Pocoyó. Coa presenza dun pallaso que dirixe o espectáculo, o público aprenderá cantando a cepillarse os dentes, os números ou os días da semana, ademais de escoitar moitas das cancións dos programas infantís aos que pertencen as personaxes participantes. Logo do espectáculo, que terá unha duración aproximada dunha hora, sortearanse distintos regalos e as personaxes faranse fotografías cos nenos. Amais, os asistentes poderán gozar, como todos os días, das atraccións e áreas deportivas e lúdicas do parque instalado no pavillón principal do recinto feiral de Silleda.
