IN MEMORIAM

Ponciano Mera Viana, 101 anos de historia

08.05.2013 | 07:34
Ponciano Mera Viana. // Faro
Ponciano Mera Viana. // Faro

Onte, cento e un anos despois de ver a luz en Ponteareas, Ponciano Mera Viana, o meu avó, Nano para tantos ponteareáns, apagouse para sempre. Chegou a este mundo poucos días depois do afundimento do Titanic e márchase logo de ver con admiración un presidente negro na Casablanca, fitos históricos que marcaron o inicio e o final dun percorrido vital irrepetible pola distancia no tempo mais tamén pola intensidade dun século de vertixinosas transformacións.

Até o seu derradeiro alento, Nano foi a memoria viva dos dous séculos nos que lle tocou vivir, pero sobre todo foi a lembranza permanente de cen anos de Ponteareas e de ponteareáns. Aos que tivemos o privilexio de compartir horas e conversa con el na súa casa ou nas tertulias do Centro Artístico Sportivo, a súa prodixiosa memoria transportounos aos seus tempos de cativo co mestre Ramiro Sabell, baixo a monarquía de Alfonso XIII. Viaxamos ao esplendor do balneario de Mondariz na ditadura de Primo de Rivera, cando Nano era aprendiz de perruqueiro na barbería do seu pai na Praza Maior. Rememorounos a esperanza e ilusión daquel 14 de abril de 1931 e do bando de Vidales Tomé anunciando a chegada da República e, con ela, do esplendor do entroido ponteareán protagonizado por el mesmo, Tomé ou Casasnovas entre outros. Revivíunos con pavor o terror e o medo que experimentou na guerra civil que o arrastrou até o frente de Madrid e de Teruel, no terrible inverno de 1938. Compartimos con el as súas tristes lembranzas da posguerra da fame e a miseria, tempos do extraperlo que coñeceu de primeira man como xerente da emblemática empresa Ojea. Contaxiounos o seu espíritu emprendedor, baixo a ditadura de Franco, recordando as súas iniciativas co Parque Tea, con Paco "Varillas", ou a fábrica de gaseosas e refrescos DUX co seus grandes amigos Daniel Ojea e Feliciano Barrera. - lembrounos a fin da ditadura e o inicio dunha nova etapa democrática que traería a súa derradeira iniciativa profesional, a primeira inmobiliaria de Ponteareas. - así até hoxe. Deixounos nestes tempos de crise económica e de guerras e conflictos bélicos un dos últimos supervivintes do crack do 29 e da guerra civil. Non foi o cronista oficial de Ponteareas porque nunca existíu tal figura no noso pobo, pero sen dúbida foi o recordo vivo dos últimos cen anos de Ponteareas. A súa ironía nunca o abandoou: "Vos pensades que non, pero algún día vou morrer", dicíanos hai un ano na celebración do seu centenario. Onte fíxose realidade o seu vaticinio. Pero equivocouse. Para nós non morreu, el e as súas lembranzas seguirán moito tempo..

*Abogado e exconcelleiro do BNG en Ponteareas

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 


Deportes


Borja Jiménez, entrenador del Rápido de Bouzas. // Jesús Regal
Borja Jiménez: "Necesitamos hacer treinta puntos en el Pujales"

Borja Jiménez: "Necesitamos hacer treinta puntos en el Pujales"

El técnico confirma que la llegada de nuevos jugadores está todavía abierta ä El club busca...

Paulinho: "Estoy preparado para el Barça"

Paulinho: "Estoy preparado para el Barça"

El brasileño asegura que puede encajar "perfectamente" en el estilo de conjunto azulgrana

Luis Suárez estará cuatro semanas de baja

Luis Suárez estará cuatro semanas de baja

Piqué, duda para el estreno liguero

La sonrisa del Real Madrid

La sonrisa del Real Madrid

Zidane, que lleva siete títulos de nueve posibles, ya es el tercer entrenador con más trofeos del...


Samuel Sánchez enturbia el arranque de la Vuelta

Samuel Sánchez enturbia el arranque de la Vuelta

El corredor, de 39 años, dio positivo en un control realizado el 9 de agosto

El Mecalia, con lo mejor de cada casa

El Mecalia, con lo mejor de cada casa

Prades, Carrera, Sempere, Urban y Gutiérrez, los mejores de la Liga 2016/17

 
Enlaces recomendados: Premios Cine