José López Campos (A Estrada, 1974) deixou a Alcaldía do seu concello, na que estivo catro mandatos con maioría absoluta para entrar por primeira vez como conselleiro, logo de ser apuntado como un favorito para ser conselleiro da nova Xunta de Alfonso Rueda por gran parte do seu partido. Procedente do mundo da banca, antigo xogador de baloncesto e con dous metros de altura, López Campos afronta agora a carteira de Cultura, Lingua e Xuventude.
