Xogar tamén é aprender
A mestra Iria González mostra nun obradoiro organizado pola Fundación Ingada o entrenamento das funcións executivas cos xogos de mesa
![A mestra Iria González, con algúns dos xogos de mesa que empregan.](https://estaticos-cdn.prensaiberica.es/clip/25419715-e1f6-4d52-a191-2c4e4373269d_16-9-aspect-ratio_default_0.jpg)
A mestra Iria González, con algúns dos xogos de mesa que empregan. / CEIP PLURINGÜE O SELLO
As funcións executivas son actividades mentais complexas, necesarias para planificar, organizar, guiar, revisar, regularizar e avaliar o comportamento necesario para adaptarse eficazmente ó entorno e para acadar metas. Deste xeito, organización, anticipación, planificación, memoria de traballo, flexibilidade mental, autorregulación, inhibición e control da conduta son habilidades vencelladas a ditos procesos mentais.
A mestra de Educación Primaria Iria González emprega os xogos de mesa para entrenalas e hoxe imparte un obradoiro en Vigo no Grupo de Axuda Mutua organizado pola Fundación Ingada no Coworking Forma (de 11.30 a 13.00 horas). “A idea do obradoiro é partir da definición de TDAH do protocolo da Xunta de Galicia e ver como se relaciona coas funcións executivas”, expón.
“Tamén veremos a relación de todos estes conceptos cos xogos de mesa”, engade. Algo que ela descubriu cando empezou a preparar oposicións en 2017. “A miña preparadora falounos das funcións executivas e tamén asistín a unha charla de Jesús Guillén (investigador e profesor do posgrao de neuroeducación da Universidade de Barcelona e autor do blog: “Escuela con cerebro”), que tamén as explicaba e as relacionaba co xogo, apuntando que en contextos informais é máis sinxelo traballas”, indica a mestra do CEIP Pluringüe O Sello.
![A mestra Iria González, xunto a algúns dos xogos que empregan.](https://estaticos-cdn.prensaiberica.es/clip/f54bc1bc-414a-4009-9f26-082a8c4c1147_alta-libre-aspect-ratio_default_0.jpg)
Un grupo de alumnos, durante unha partida. / CEIP Plurilingüe O Sello
“A idea do Obradoiro é explicarlles isto ás familias para que tamén poidan adicarlle un tempo de calidade ós seus fillos e fillas e proporcionarlles este tipo de ocio”, propón. Entre as súas preferencias están “os xogos cooperativos”. “Sempre lles digo que é moi importante saber perder, pero tamén saber ganar. Traballamos tamén a empatía, a xestión das emocións...”, explica. “Hai xogos como o Hanabi moi axeitado para isto, porque é cooperativo, e teñen que traballar xuntos e ou perden todos ou gañan todos”, engade. “Para os máis pequenos tamén está, por exemplo, o “Pillado”, un xogo de pistas”.
“A idea é que as familias xoguen e facer esas situacións de aprendizaxe que tamén facemos no colexio (CEIP Pluringüe O Sello) e, unha vez que xogan, aprenden a identificar cales son as funcións executivas, saben identificar que xogo traballa a memoria, cal a toma de decisión, cal a planificación ou a flexibilidade cognitiva...”, subliña Iria González.
En 2021 Iria González fixo o curso sobre TDAH no Centro de Formación e Recursos de Vigo que imparte a Fundación Ingada e presentou un proxecto final no que explicaba como traballar as matemáticas co alumnado, no que incluía traballar coas emocións, o xogo ou usar metodoloxías activas, coma OAOA (método que emprega actividades e recursos máis manipulativos e didácticos). “O proxecto foi premiado e levouse a cabo no colexio no que estaba nese momento”, indica.
![Algúns dos xogos que empregan no proxecto.](https://estaticos-cdn.prensaiberica.es/clip/c4bb69f7-352a-45b3-a4f5-b37c066ee12a_alta-libre-aspect-ratio_default_0_x889y609.jpg)
Algúns dos xogos que empregan no proxecto. / CEIP Plurilingüe O Sello
“Eu levo dous anos sen ser titora, pero neste curso, no CEIP Pluringüe O Sello, estamos facendo un día á semana, dende a Biblioteca Escolar, uns obradoiros adicados ó xogo. Dividimos ós alumnos por grupos e teñen asignado un xogo. Durante a sesión, teñen que preparar o xogo, le-las instrucións e xogar”, engade. Os xogos selecciónanse previamente por trimestres e cada venres xogan a un diferente.
Todos participan na actividade. “Todos os nenos e nenas o teñen marcado no horario. É tamén unha oportunidade para que todos os alumnos compartan e se relacionen”. Entre os beneficios da actividade, Iria González destaca “a motivación, porque están traballando as funcións executivas, relacionándose entre eles, xestionando as emocións... De feito, con algún xogos están traballando o cálculo matemático, outros están máis enfocados á creatividade. A nós, de momento, parécenos que o sentimento é positivo.
Entre as súas recomendacións están o “Dixit”, “Abejitas zum zum”, “Bichos”, “Trek”, “Distraction”, dependendo das idades. “Son xogos que eu vexo en tendas especializadas e nas redes moitas contas, como a de María Couso, fan recomendacións. Ela, por exemplo, é una divulgadora e referente na defensa dos beneficios que proporcionan os xogos de mesa”.
Suscríbete para seguir leyendo
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda