"É a segunda vez que participo no Culturgal", explica Fe González, unha das artesanas que conta con estand na feira das industrias culturais, un espazo que comparte o seu taller, Arela Defe, coa artesá Idoia Cuesta, que traballa con lás.
-Que balance fai do seu paso pola anterior edición da Feira das Industrias Culturais?
-Pois a verdade é que quedei moi contenta por como é a feira, que me gustou moito a temática e como está organizada, e tamén polos meus resultados.
-Resultoulle económicamente rendible?
-Si, quedei moi contenta do resultado económico e tamén porque sentinme moi arropada, traía esta colección (sinala algunhas pezas) que a verdade é que foi un éxito.
-Como fai estas pezas?
-Están feitas con papel reutilizado, de libros que non teñen saída, que non se poden vender en librarías porque teñen algún defecto ou fallos de imprenta.
-Son libros cedidos pola editorial Galaxia...
-Si, cédemos Galaxia e eu fixen con eles esta colección de pendentes de papel, dos que vendín moitos.
-Amplía este ano a colección?
-Si, traio os colares, é a primera vez, todas estas pezas de xoieiría están feitas con papel reutilizado de libros.