Mago Teto
Xénero: maxia
Autoría: Héctor Guerra
Dirección: Jose Prieto
Escenografía e vestiario: Mago Teto
Deseño de son: Granero Vídeo e Javier Adan Ayude
Deseño de iluminación: Javier Adan Ayude
Música: Andrés Álvarez e Banda de Música de Silleda
Coreografía: Xiana Vilas
Elenco artístico: Mago Teto, María Roja e Lupe Carballo
Ultreia é un espectáculo multidisciplicar no que se combina a maxia, a música e a danza.
Percorrendo un camiño máxico que simboliza todos os camiños exteriores e interiores do ser humano, o Mago Teto fará unha viaxe a través de aparicións, desaparicións, casas encantadas, predicións, levitacións, transformacións e moitos máis efectos máxicos que transportarán ao público a unha realidade onde todo é posible menos perder a ilusión.
Neste traxecto Teto viaxará con dous bailarinas que o acompañarán en todas as súas aventuras e desventuras, e contará en todo momento coa axuda imprescindible da música, composta especialmente para este espectáculo por Andrés Álvarez, a banda sonora perfecta para que o mago chegue con éxito ao final do seu camiño.
