O trío formado polo saxofonista redondelano Fernando Sánchez, o contrabaixista José Manuel Díaz e o baterista Iago Fernández abre a sesión de jazz de La Casa de Arriba. Os tres músicos reúnense nesta ocasión nun formato íntimo, sen instrumento armónico, para tocar o repertorio do Gran Cancionero americano na segunda edición 2021 da jam session que xa era un clásico da programación cultural viguesa e recupera a súa actividade tralo parón polo COVID.