Vitrasa, en colaboración co Concello de Vigo, súmase un ano máis, e con este xa son quince, á Semana Europea da Mobilidade con diversas iniciativas que teñen por obxectivo fomentar e pór en valor o uso do transporte público entre os vigueses e viguesas, por ser un dos medios "máis cómodos, sustentables e respectuosos co medio ambiente para desprazarse pola cidade".
En concreto, o 22 de setembro de 2021, Día Europeo sen Coches, as liñas lanzadeiras ó CUVI (U1 e U2) serán de balde durante toda a xornada.
Tamén o Bus Turístico será de balde o mesmo mércores 22 de setembro para os usuarios da tarxeta PassVigo, previa reserva online do billete na plataforma Woutick!. Haberá catro viaxes dispoñibles: ás 10:00, 12:00, 16:30 e 18:30 horas.
Habrá cuatro viajes gratis en el bus turístico: 10.00, 12.00, 16.30 y 18.30 horas
Dende Vitrasa destacan que con esta iniciativa, búscase recoñecer ós usuarios habituais do transporte público a súa confianza, dándolle a oportunidade de que descubran Vigo dende unha óptica distinta a bordo do Bus Turístico. Os viaxeiros deberán levar posta a máscara en todo momento, así como acceder de maneira ordenada o bus, que conta con xel hidroalcohólico no seu interior.
Críticas polos aforos
Desde Vitrasa critican as limitacións de aforo establecidas pola Xunta de Galicia nos autobuses urbanos (que limitan a 1/3 a ocupación nas prazas de pé) impiden unha maior promoción do transporte público, xa que poden rexistrarse algunhas dificultades para atender a demanda se esta se concentrase nun momento concreto.
Con todo, a empresa terá reforzos previstos para tratar de abordar estas concentracións puntuais de usuarios nos servizos das lanzadeiras. No marco da Semana Europea da Mobilidade e a posta en valor do transporte público como elemento fundamental para mellorar a calidade de vida das persoas, Vitrasa apela á ampliación de aforos no transporte urbano, como xa ocorre na maioría de Comunidades, por ser un servizo seguro e esencial para os cidadáns.
Medios de transporte menos contaminantes
Dende a concesionaria do transporte público de Vigo destacan que o autobús está entre os medios de transporte menos contaminantes, segundo se desprende dun informe da Confederación Española de Transportes en Autobús (Confebus. En termos de CO2, un pasaxeiro de automóbil e de avión contaminan 2,4 veces máis que un pasaxeiro de autobús por viaxeiro e quilómetro percorrido. Así, o autobús é, despois do tren, o modo de transporte terrestre con menores emisións de CO2.
Aseguran que un aumento no uso do autobús podería reducir drasticamente os problemas de contaminación e conxestión nas cidades. Cada un destes vehículos de transporte colectivo equivale a unha media de 20 turismos, polo que o seu uso evitaría a emisión das 6,7 millóns de toneladas de CO2 que xerarían os mesmos usuarios desprazándose no seu propio vehículo. Un autobús emite 28,4 gramos de CO2 por viaxeiro e quilómetro percorrido, fronte aos 157,5 gramos que emite cada coche particular. Semana Europea da Mobilidade 2021
