Garatuzas, o novo colectivo para a rapazada de Piloño
A asociación programa unha Festa do Neno e obradoiros de lectura ou de debuxo
Garatuzas significa aloumiños, mimos. É o nome que escolleu un grupo de pais e nais de Piloño para activar en novembro unha asociación social e cultural aberta a todas as familias desta parroquia cruceña, pero tamén ás que viven en aldeas veciñas.
Manter tradicións
A idea xurdiu “dun grupo de proxenitores que coincidiamos sempre no parque, e tiñamos gañas de facer actividades para chegar a máis nenos” explica a presidenta do colectivo, Alejandra López Verde. Xa teñen materializado algunhas ideas, como a visita de Papa Noel e obradoiros de Nadal. De cara ao ano que vén, está prevista unha Festa do Neno en verán, ademais dunha semana cultural ou obradoiros vinculados á lectura e ao debuxo. “E cada certo tempo, teremos un contacontos”, sinala.
A sede das súas propostas é un local cultural na parroquia, que tamén servirá para que sigan vivas tradicións como o magosto, os xogos populares, as foliadas ou o Entroido, que en Piloño conta co colectivo Vello dos Cornos para transmitirlle ás novas xeracións as particularidades desta celebración.
Garatuzas, ainda que existe a ANPA do Cerdeiriñas, tamén está pendente de melloras no colexio, demandada desde hai anos pola comunidade educativa. Ata agora, a Xunta cambiou xa as fiestras para mellorar o aillamento. Pero seguen as humidades, sobre todo no ximnasio. Meses atrás tamén houbo queixas polo mal estado do parque, que neste caso lle compete ao Concello. Houbo algunhas reparacións menores, como a instalación do vallado. Pero é preciso que se cambien os bancos, porque a madeira está podrá, e segar con máis frecuencia a herba.
Suscríbete para seguir leyendo
- El cambio climático trae un tipo inédito de raya a Galicia
- Los mejillones en escabeche caseros con los que no volverás a la conserva
- Velada romántica del piloto de la F1 Lando Norris y Magui Corceiro en Vigo
- Bono Activa Comercio 2024: cómo se solicita y en qué tiendas se puede utilizar
- Mata presuntamente a su cuñado con un arma blanca en plena calle tras una discusión en Vilagarcía
- Saltan las alarmas por lo que se ha escuchado decir a Ángel Cristo en 'Supervivientes': "Por favor, que se ha oído
- La familia real británica se está preparando para el funeral de Carlos III: "Se encuentra realmente muy mal
- La Comisión Europea apunta que la prórroga de la AP-9 se utilizó para encarecer la venta de la autopista