Nun dos muros do interior da igrexa unha placa de mármore sinala as Cenizas del Vicario, Andrés Gil de Mendoza, párroco de Carbia. Falleció el 3 de junio de 1850. Trasladadas aquí el 27 de junio de 1926. Obsequio de la piedad popular. Este sacerdote faleceu en estrañas circunstancias, segundo lembran os veciños 169 anos despois. A historia deste cura moi querido nas parroquias do arciprestado de Piloño que rexía, e que a Igrexa declarou "Venerable" e mesmo matinou beatificalo, segundo un documento que nos achegou o investigador lalinense Manuel Igrexas, habemos publicala en canto haxa ocasión ao igual que outros aspectos desta parrqouia que temos no arquivo e coidamos merecen ser divulgados.