Balaídos celebra a festa do fútbol galego

Balaídos celebra esta noite a gran festa de fútbol galego coa ansiada volta á escena da Irmandiña tras longo tempo de ausencia (20.00 horas, TVG). Oito anos despois da súa última comparecencia en Riazor, a selección galega mídese a Panamá da man do vigués Diego Martínez nun partido agardado con grande expectación polos siareiros que, a pesares das baixas, debe mostrar o crecimento do fútbol do país. A cita congregará no estadio vigués a máis de 15.000 espectadores.

Diego Martínez non vai poder dispoñer dalgúns dos seus mellores futbolistas. Por distintos motivos, faltarán pezas tan importantes da Liga como Brais Méndez, Santi Comesaña ou o lesionado Denis Suárez, así como Joselu Mato ou Lucas Vázquez, que mañán disputan a final da Liga de Campeones co Real Madrid en Wembley.

Diego Martínez: “É un día para gozar, para compartir unha ilusión e un sentimento”

No estarán tampouco no estadio celeste boa parte dos principais representantes galegos en clubes extranxeiros, coma Borja Iglesias, Rubén Blanco, Nico González, Stefan Bajcetic, Thiago e Rafinha Alcántara ou Gabri Veiga.

O céltico Iago Aspas, que exercerá como capitán, e o deportivista Lucas Pérez son os principais referentes do equipo, no que sí figuran algunhas das meirandes promesas do fútbol galego que militan na Liga (Carlos Domínguez e Hugo Sotelo) ou en sobranceiros equipos europeos –Hugo Bueno (Wolverhampton), Álvaro Carreras (Benfica), Lucas Taibo (Sporting de Portugal), ou Álvaro Ratón (Wilsla de Cracovia)–, que terán a oporunidade de darse a coñecer aos siareiros.

Primeiro adestramento en Balaídos da Irmandiña que xa está concentrada en Vigo

Ver galería

O Celta, con seis futbolistas, e o Racing de Ferrol,. con catro, son os equipos galegos con maior presenza no grupo, no que tamén están representados o Deportivo o Betis e Las Palmas e equipos de menor xerarquía, coma a Cultural Leonesa ou o Arenteiro.

O rival de Irmandiña será Panamá, conxunto desde hai catro anos dirixido polo hispano-danés Thomas Christensen, que se atopa en xira por España para preparar a próxima Copa América. O combinado centroamericano, que ven de empatar o pasado mércores fronte a selección catalana nun divertido encontro (2-2), plantexará un interesante desafío aos pupilos de Martínez, que define ao rival como un equipo “agresivo, vertical e de bo nivel físico” e que suporá toda unha proba para os seus futbolistas.

O partido se vivirá por xogadores e siaeriros como unha festa, pero tamén como unha boa oportunidade para amosar o crecemento que ten vivido o fútbol do país nestes anos, sen esquecer a firme vontade de agasallar ao público a victoria que se resistiu á Irmandiña hai 8 anos fronte a Venezuela en Riazor.