Aspas felicita ao Dépor e Lucas Pérez contéstalle: "Aguantade en primeira para un último derbi"

Iago Aspas e Lucas Pérez, os líderes do Celta e do Dépor, reencontráronse este xoves pola noite. Foi no programa 'Land Rober', da TVG, onde ambos futbolistas protagonizaron un momento de hermanamento do fútbol galego a dúas semanas do partido da selección autonómica frente a Panamá.

"Aguantade en primeira para un último derbi", pediulle Lucas -que era un dos convidados da noite tras o ascenso dos coruñeses a segunda- a Aspas, que apareceu por sorpresa a través dunha videochamada. "Noraboa polo ascenso ao deportivismo. É bo para o fútbol galego", refiriu o celtista. O de Monelos agradeceullo e destacou a relación "sana" que sempre tiveran ante de invitalo a ese baile definitivo. O moañés aceptouno, aínda que lle lembrou tampouco lle queda moito ao máximo nivel.

Kiko Rivera e a volta de Touriñán

O seguinte que reclamou a atención de Lucas e Roberto Vilar foi Kiko Riveira, autor da canción 'Mambo', o himno oficioso do salto de categoría, que puxeron os herculinos tras cada vitoria na segunda volta. "Deunos a vida", dixo o atacante mentres suspiraba. Chamaron entón ao 'DJ' e cantante para convencelo de que estexa o día 25 na festa do ascenso, pero xusto ese día ten unha actuación. "Está difícil", admitiu Lucas, "pero algo hai que facer", reafirmou.

Pero a traca final tiña nome e apelido: Xosé Antonio Touriñán. Era a primeira vez que regresaba a ese plató tras a súa saída e despois de terse convertido nunha das celebridades de Galicia. "O que non consiga eu... Fago feliz a todo o mundo", espetou Lucas. Houbo amago de entrevista do coruñés, moi incisiva. Touri tirou da retranca, que lle sobra, e fixo chorar de emoción a Eva Iglesias noutro dos instantes máis lembrados da noite.