A Guía: tradición e festa en Maceira
Durante tres días, a parroquia de Maceira, en Covelo, celebro cada 15 de agosto as súas festas na honra da Virxe da Guía, con verbena, xantar, xogos infantís, discoteca móbil e liturxia.
De novo nesta edición, houbo procesión monte arriba, desde a igrexa ata a capela e ao cumio, para rematar con xantar popular en familia.
D.p.
A parroquia de Maceira, en Covelo, celebrou as festas na honra da Virxe da Guía ao longo de tres días nos que houbo verbena, xantar popular, xogos infantís, disco móbil e actos litúrxicos. Unha vez máis a Virxe da Guía da igrexa parroquial Divino Salvador subíu á ermida do Alto da Guía para xuntarse coa advocación da virxe que habita na capela.
Cada 15 de agosto a veciñanza porta a imaxe da Virxe da Guía da igrexa parroquial levándoa montaña arriba para se atopar coa advocación da virxe da Capela onde o Cruceiro da Fonte. Xuntas rematan a viaxe ata o cumio onde se celebra, non só a misa solemne e a procesión, tamén un popular xantar acompañado de música e postos ambulantes para mercar todo tipo de viandas.
Ao longo destes anos son moitas as familias que se reúnen na romaría da Virxe da Guía e alí xantan e comparten alimentos co resto das familias. Antes de escurecer, os e as devotos baixan de novo a pé á virxe da igrexa parroquial para agardar, tres estacións máis, a volver saír de peregrinaxe pasando polo barrio do Castro.
As bondades da Virxe da Guía son sobradamente coñecidas entre a veciñanza da comarca que acuden pedindo unha mellora da súa saúde. Devotas e devotos ofrecen cera en forma de distintas partes do corpo á virxe na procura de alivio e axuda, tamén ofrendas que logo se subastan.
Na visita episcopal de 1780 faise constar que a capela está decente e conta con todo o necesario para celebrar cultos relixiosos. Tamén se dí que nela poderase dicir misa cando se queira, menos os días de precepto en que os fieis deben asistir á igrexa parroquial.
Ademais da ermida podemos atopar, a doce metros da capela, un peto de ánimas coñecido como “Almiñas de Ponte dos Carros” . Lamentablemente o peto de ánimas foi froito do vandalismo e a imaxe dun Santiago peregrino está decapitada e fraccionada a man dereita.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda