O Servizo de Emerxencias do Val Miñor inverviu en 689 emerxencias en 2019. Ao longo do último ano tiveron que actuar en 130 incendios, 56 deles urbanos.
Os efectivos miñoranos tamén actuaron en 223 accidentes de tráfico. Neles axudaron a 26 persoas e excarcelaron 16 vehículos.
As intervencións durante fenómenos meteorolóxicos adversos foron 236, dos que 150 foron retirada de árbores caídas.
Foron 100 as intervencións de diversos tipos nas que tiveron que actuar; entre elas os 18 rescates de persoas en situación difícil, 24 aperturas de portas, 14 escapes de gas, ou 9 buscas de persoas desaparecidas.
O Servizo de Emerxencias do Val Miñor tamén participou en 1.271 actividades de prevención: charlas de primeiros auxilios, seguridade viaria e formación en colexios, simulacros, sinalización de zonas perigosas, etc.
?No reconto dos seus traballos tamén se rexistran ata 36 colaboracións con entidades como as forzas de seguridade, Protección Civil ou urxencias sanitarias 061.
Entre os seus cometidos tamén estivo a retirada de animais (velutinas, serpes, cans...), formación interna, revisión de hidrantes, veridos medioambientais, ata sumar 1.014 casos.
Os meses de novembro e decembro foron os de máis emerxencias: 13 incendios urbanos, 4 accidentes con excarceración e 120 intervencións por fenómenos meteorolóxicos.
