Os alumnos, na aula onde se lles explica o ciclo da auga
Preto de 5.000 escolares de Vigo visitaron desde o ano 2010 as instalacións da Estación de Tratamento de Auga Potable (ETAP) e a Estación Depuradora de Augas Residuais (EDAR) de Aqualia, empresa concesionaria do Servizo Municipal de Augas de Vigo. Anualmente, Aqualia abre as súas portas aos centros escolares da cidade co obxectivo de dar a coñecer o ciclo integral da auga e pór en valor a importancia dun recurso natural tan valioso como é a auga.
A primeira visita do novo curso escolar. estivo formada por un grupo de 40 alumnos do Colexio Breogán, que visitou a ETAP de Casal onde persoal cualificado de Aqualia explícalles de forma amena e divertida as claves do funcionamento do ciclo integral da auga e o papel de Aqualia neste servizo.
"Cada ano consolidamos as visitas de escolares e as enquisas de valoración que facemos aos responsables dos alumnos ratifican que se trata dunha iniciativa moi didáctica, valorada e enriquecedora para os máis pequenos. Ademais, o persoal docente trasládanos a súa satisfacción xa que utilizan estas saídas como complemento académico adicional e o 100% dos colexios asegura que lles gustaría repetir a visita o próximo ano", asegura José María Ardoy, director de Aqualia Vigo.
O pasado curso escolar ao redor de 1.100 nenos visitaron as instalacións en 39 visitas xestionadas por Aqualia. Mentres o 45% dos alumnos, na súa maioría de primaria, visitaron a ETAP, o 55% restante, de ESO e Bacharelato, fixérono á EDAR. A valoración xeral que os centros escolares realizaron ás instalacións (nunha escala de 0 a 10) superou unha puntuación de 8. Proba diso é que Aqualia recibe anualmente unha media de 1.000 escolares ao ano nas súas instalacións.
Aqualia
Aqualia é a empresa de xestión da auga de FCC, un dos grupos de servizos cidadáns lideres en Europa. A compañía é a terceira empresa privada de auga de Europa e a sexta no Mundo, segundo o último ranking da publicación especializada Global Water Intelligence, e atende a 23,5 millóns de usuarios. FCC Aqualia é a compañía de xestión da auga de FCC, un dos principais grupos europeos de Servizos Cidadáns. A empresa traballa en máis de 1.100 municipios e opera máis de 200 estacións de tratamento de auga potable e máis de 300 depuradoras en 19 países: España, Italia, Portugal, República Checa, Polonia, Rumanía, Montenegro, Bosnia, México, Perú, Chile, Argelia, Egipto, Emiratos Árabes Unidos, Sudáfrica, Arabia Saudí, Túnez, China e Uruguay.
