Una americana en Cangas no 1924 (I)

Ruth Matilda Anderson fotografiou a vila para un traballo para a The Hispanic Society of América

27.04.2014 | 01:45
Nas suas fotos reflectiu o traballo duro das mulleres.

Longos e ilustrativos da realidade da época do comezos do século XX, son os relatos que a fotógrafa norteamericana Ruth Matilda Anderson nos legou da súa visita á nosa vila de Cangas. Nacida en Nebraska, era filla de Alfred Anderson, empresario do tendido do ferrocarril e moi afeccionado á fotografía. Xunto cunha amiga, acompañou á sua filla no seu primeiro percorrido fotográfico por Galicia. Apaixoada da fotografía, aceptou a oferta do presidente da The Hispanic Society of America de facer un periplo fotográfico por España que iniciaría no 1924 e que a levou a Cangas.

É facilmente deducible que alá nos comezos do século XX non era doado achegarse a Cangas e de aí a importancia e o interese sociolóxico dos relatos que nos deixaron personaxes como Fialho de Almeida. Unhas veces son extensos e ilustrativos e outras, simples e escuetos como o que nos legou Manuel Azaña que pisou Cangas no ano 1918 con motivo de exercer nun tribunal de oposicións en Vigo. - dicimos pisou, porque o que máis tarde sería presidente da II República, apenas deu unha volta pola nosa vila que resumiu deste xeito nas suas notas: Cangas é un "puertecillo" de pesca. Sobre o terreo vense plantacións de millo, patacas, viñas en parral, pequenos bosques de piñeiros e mulleres e nenos limpando as leiras... - nun outeiro, unha ermida.

Máis longos e ilustrativos da realidade da época, son os relatos que a fotógrafa norteamericana Ruth M. Anderson nos legou da sua visita á nosa vila. Esta fotógrafa, hoxe coñecida e recoñecida, naceu en Nebraska (USA) e era filla de Alfred T. Anderson, empresario do tendido do ferrocarril e moi afeccionado á fotografía quen, xunto cunha amiga, acom-pañaron á sua filla no seu primeiro percorrido fotográfico por Galicia. Ruth estudara para exercer de mestra, mais a sua paixón pola fotografía levouna a estudar esta disciplina e despois aceptar a oferta de Archer Milton Huntington, presidente da The Hispanic Society of America de facer un periplo fotográfico por España que iniciaría en 1924. Entre este ano e o 1926, percorrerían boa parte da xeografía galega nun Ford alugado, retratando con incríble ta-lento plástico -pese aos atrancos técnicos e ambientais- aquela Galicia de redeiras, de pescantinas, de feiras, de cativos descalzos, de mulleres fatigadas e envellecidas con enormes fardos na cabeza, camiñando a pé interminables quilómetros entre pobo e pobo. Apesar de ter como obxectivo principal o retrato social e etnográfico da Galicia da época, apenas coñecemos tres fotografías de Ruth Matilda Anderson tiradas no Morrazo: unha de Cangas ao baixar do vapor e outras duas dunha carpintería de ribeira en Domaio. Mais, paradoxalmente, a fotógrafa habíanos deixar uns interesantes relatos nos que subxace o afán indagatorio, recollidos na sua chegada a Cangas en setembro do 1924.

Cando Anderson arriba a Cangas, a Ditadura de Primo de Rivera xa levaba un ano de andadura e o seu férreo control das actividades laborais e lúdicas notábase moito na relativa tranquilidade social existente. Pedro Rodríguez Pérez era o alcalde designado polo Directorio, segundo rexidor desta etapa de réxime monárquico-militar.

De Vigo a Cangas

O relato que nos deixou a americana Ruth Matilda Anderson foi escrito anos despois da sua visita cando a Hispanic Society decidiu publicar as fotos. Apesar de non ser literata, preséntanos un texto vivaz e descritivo cunha gran aportación sociolóxica sobre o ser e vivir das xentes nesta época: "Desde a nosa galería de Vigo (hotel) non podiamos ver Cangas por mor dos tellados pero xa no ma-lecón, esta aparecía coma un trazo branco entre o esmeralda e augamariña da ria; a tardiña era como un fío de puntiños amarelos que pestanexaban por enriba do lapislázuli...

Para irmos a Cangas tiñamos que coller o vapor desde o Berbés. No peirao ian e viñan mariñeiros cos pés descalzos, pantalóns de pana e camisas de todas as cores posibles. Había un veleiro do Grove, da ría de Arousa, que tiña aferrada unha vela latina e o casco en tingladillo e media cuberta. Na popa aberta, colgaba unha rede redonda e marrón sostida por uns tirantes agarrados do mastro e descansaba por riba de duas esguellas sobre a borda. Tiña un par de remos grandes armados a cada banda, e unha pequena vela a popa. A proa era moi lanzada mentres que a popa caía case a rentes da auga. Pola sua eslora, duns cinco metros e medio, decidimos que tiña que ser unha dorna, embarcación típica das Rías Baixas...

(*) Mestre de Cangas

Compartir en Twitter
Compartir en Facebook

Noticias relacionadas


Deportes Morrazo

Andrés durante un partido reciente.
Homenaje a Andrés después de 21 años en el Alondras

Homenaje a Andrés después de 21 años en el Alondras

El club le entregará una placa el domingo, antes del arranque del primer partido de liga

Cabo da Cruz impone su ley en las aguas de Santa Cristina

Cabo da Cruz impone su ley en las aguas de Santa Cristina

Puebla y Ares marcaron el segundo y tercer mejor tiempo

El Cangas empata en su segundo choque de preparación

El Cangas empata en su segundo choque de preparación

Los cangueses firman (29-29) ante un Aguas Santas que está más rodado

Una pretemporada invicto y con buenas sensaciones

Una pretemporada invicto y con buenas sensaciones

El Alondras se lleva el triangular de Baiona ante Erizana y Arosa

El Cangas sigue su preparación y hoy recibe al Augas Santas

El Cangas sigue su preparación y hoy recibe al Augas Santas

El partido será en O Gatañal, a las 20 h y con entrada gratuita

La media maratón de la Costa da Vela alcanza su tope de 600 inscritos

La media maratón de la Costa da Vela alcanza su tope de 600 inscritos

La carrera será el 17 de septiembre y entre los inscritos están Álvaro Prieto, Roberto Riobó,...

 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Suscriptor | O Morrazo

Contenido exclusivo para suscriptores digitales
Enlaces recomendados: Premios Cine