Sen acuse de recibo

Medias verdades parlamentarias

BENITO GARCÍA CARRIL

18.03.2013 | 08:20

Sucedeu no Parlamento británico. Foi durante un dos discursos de Churchill cando unha deputada da oposición pediu a palabra. Sabido é o pouco que a Churchill lle gustaban as interrupcións dos seus discursos, pero a palabra foille dada á deputada que en ton alto afirmou:

-Señor Ministro, se a Vosa Excelencia fose o meu marido, eu poríalle veleno no café.

Churchill, con calma, quitando os lentes, baixando o ton e agardando o silencio case absoluto, sentenciou:

-E se eu fose o seu marido tomaría ese café.

A Winston Churchill atribúenselle innumerables "citas gloriosas do parlamentarismo moderno", moitas delas incertas, pero esta está no diario de sesións. De igual forma figuran nel, no de Galicia, as pronunciadas a pasada semana polo deputado Román Rodríguez, lalinense e viceportavoz popular no Pazo do Hórreo, para explicar a non construción da coñecida como Sogama do Sur, no Irixo. Fixo de "chico de los recados" do conselleiro, para por en escea e certificar a morte da planta de residuos. Alguén lle serviu un café envelenado e el quixo compartilo cos cidadáns; iso si, botoulle unha presa de azucre para facelo máis dixerible, púxolle algún adorno á cunca e mesmo utilizou unha culleriña de vaselina para evitar facer demasiado ruído ou producir dor. A idea foi do propio grupo popular, un esperpento indigno da cámara: levar a aprobación unha iniciativa para instar ó Goberno a dar por morto o proxecto da planta do Irixo, cando o proxecto nin sequera era do Goberno, senón dunha empresa privada que supostamente xestionaría asuntos e cartos públicos, iso si, sen que tivese mediado concurso público ningún nin nada que se lle parecese. En breve vaise falar no Parlamento da Iniciativa Lexislativa Popular contra a incineración, e o grupo popular ten que xustificarse para as posturas en contra que vai tomar. - esta foi unha etapa nese camiño!

De todas as explicacións, innecesarias e de puro sainete, dadas polo viceportavoz só unha responde á realidade: a planta de xestión de residuos prevista para o sur de Galicia non se fixo simplemente porque Estela Eólica, como moitas outras beneficiarias do concurso eólico, non quixo executar o plan industrial asociado; neste caso, a construción dunha planta de tratamento de lixo para o sur de Galicia no Irixo. Todo o demais son medias verdades que, pronunciadas na solemnidade parlamentaria, non se converten en verdade e soan só a "desculpas de mal pagador" e a van intento por lle dar unha pátina de transparencia a unha iniciativa de cuestionable legalidade.

A única realidade é que a Consellería de Medio Ambiente, no canto de tramitar esta instalación "con luz e taquígrafos", mediante un concurso claro e transparente, quixo colar pola porta de atrás unha solución "á carta" e, de camiño, dotarse dun medio para desconxestionar a actual planta de Sogama e deixar solucionado o problema da xestión de residuos para a próxima década; outra cousa é o debate sobre o modelo e os sistemas de reciclaxe e valoración. Buscouse para iso a complicidade da Consellería de Industria e o aldraxado e inconcluso Plan Eólico. - así lles foi!

En clave local e comarcal moitos quixeron apuntarse o tanto de que non se executase o proxecto, coma se tivesen algún mérito niso. O único que "salvou", se é que había algo do que salvarse, as comarcas de Deza e Arenteiro da citada planta foi a incapacidade financeira (e técnica) de Estela Eólica para facer fronte ó proxecto.

P.D.: Por certo, este final xa o anticipamos nesta mesma sección na primavera de 2012, pois desde maio xa se coñecía na Xunta a renuncia de Estela Eólica, renuncia que logo ratificarían en Lalín en setembro o conselleiro de Medio Ambiente e o alcalde Crespo. Pero isto xa foi escenografía pura.

Suscriptor | Opinión

Contenido exclusivo para suscriptores digitales

CEFERINO DE BLAS*

Hay tiempo para rectificar un mal comienzo

(El pergamino Vindel debe exponerse en el lugar idóneo: el Marco)

 
 

El curso de agua de Menduíña no baja todo lo limpio que debería

Nos cuentan que las quejas ante la Policía Local por malos olores en...

 
 

JORGE DEZCALLAR*

Negar la evidencia

Las conclusiones del informe sobre el clima que el Congreso norteamericano encarga cada cuatro...

 
 

JOSE MARÍA DE LOMA

Los paraguas

He visto gente con paraguas. Quiero decir que he visto gente con paraguas estos días. Gente con...

 
 

JOAQUÍN RÁBAGO

Unión fiscal

Llevan tiempo diciendo los políticos del sur de Europa que se necesita una unión fiscal para...

 
 

PEDRO G. CUARTANGO

Reivindicación de la lectura

El prestigioso periodista Pedro G. Cuartango, exdirector del diario...

 
 
Enlaces recomendados: Premios Cine