O Museo do Pobo Galego homenaxea a Antía Cal, que hoxe cumpriría 100 anos
REDACCIÓN
O Museo do Pobo Galego acolle hoxe (18.00 horas) un acto de recordo da figura de Antía Cal, fundadora da Escola Rosalía de Castro en Vigo, que hoxe cumpriría 100 anos. A pedagoga foi, ademais, socia fundadora da institución que hoxe acolle dita homenaxe.
Os catro fillos de Antía Cal decidiron que fose precisamente o Museo do Pobo Galego o que custodiase os orixinais dos dous libros que escribiu nos anos cincuenta do pasado século, con vocación de dotar de libros educativos en galego as escolas do país. A entrega formal dos dous libros farase neste acto que se celebrará no claustro de San Domingos de Bonaval.
Tanto “O libro dos Nenos”, que recibira un premio convocado polo Lar Galego de Caracas, como “A Arte e a súa historia” non puideron ver a luz ata a segunda década do século XXI. Ningún dos dous terían pasado a censura do réxime franquista, que impediría a entrada de manuais escritos en galego nas escolas.
Aínda así Cal dende a escola Rosalía conseguiu abrir novos camiños para a renovación pedagóxica en Galicia ata converter o centro nun referente tanto na cidade como fóra dela.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda