“Follas novas” xa pode lerse en guaraní
Anxo Angueira: “Hoxe é un día feliz, Rosalía pode lerse nunha lingua irmá"
![Susy Delgado (2e), a tradutora da obra onte en Paraguai.](https://estaticos-cdn.prensaiberica.es/clip/ee5f538f-e7cb-4c91-a7b2-0bb9639598a8_16-9-aspect-ratio_default_0.jpg)
Susy Delgado (2e), a tradutora da obra onte en Paraguai. / UVIGO
A autora galega máis universal, a matriarca das nosas letras, Rosalía de Castro, vén de rexistrar un novo fito: vén de editarse unha escolma de “Follas novas” ao guaraní, lingua oficial do Paraguai e que é falada nese estado, así como en Arxentina, Bolivia e Brasil, por uns dez millóns de persoas.
A tradutora é a poeta paraguaia e xornalista Susy Delgado, quen presentou onte o libro de xeito virtual en UVigo TV (da Universidade de Vigo) nun acto celebrado de xeito presencial no Centro Cultural de España Juan Salazar, en Paraguai, e guiado pola profesora da entidade viguesa Iolanda Galanes.
Para Delgado, este volume “é unha emocionada homenaxe a Galicia, á súa xente e á súa poesía”. Na súa intervención –que foi curta debido á súa dor na gorxa e afonía–, lembrou a súa visita a Galicia pola publicación dun dos seus poemarios ao galego por Espiral Maior en novembro de 2008.
Esta autora sinalou que “as linguas dialogan e enriquécense” ao tempo que recoñeceu que “é unha publicación esperada con moita ilusión”.
No acto también interviu, entre outros, Anxo Angueira, presidente da Fundación Rosalía de Castro, quen indicou que hoxe “é un día feliz: Rosalía poder lerse nunha lingua irmá”. A presentación fechouse coa lectura do poema “Silencio” nas dúas linguas.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda