Galicia celebra o Día de Rosalía de Castro con actividades nas principais cidades
A Asociación de Escritores en Lingua Galega fará unha ofrenda floral e unha lectura dun manifesto e poemas na antiga imprenta Juan Compañel de Vigo
![Ofrenda a Rosalía de Castro ante a antigua imprenta Juan Compañel, en Vigo, o pasado ano. | // RICARDO GROBAS](https://estaticos-cdn.prensaiberica.es/clip/ef1df274-79a8-4db5-af22-133c8761444f_16-9-aspect-ratio_default_0.jpg)
Ofrenda a Rosalía de Castro ante a antigua imprenta Juan Compañel, en Vigo, o pasado ano. | // RICARDO GROBAS / Redacción
Galicia celebra hoxe, 23 de febreiro, o Día de Rosalía de Castro con actividades nas principais cidades. Unha delas será a que Asociación de Escritoras e Escritores en Lingua Galega (AELG) en Vigo, onde a entidade colocará unha ofrenda floral na imprenta Juan Compañel e leerá un manifesto e poemas de Rosalía no local do Centro Social A Revolta, a partires das 17.00 horas de hoxe.
Foi nos talleres de Juan Compañel na rúa Real de Vigo onde no ano 1863 imprimiuse por primeira vez o libro “Cantares gallegos” de Rosalía de Castro.
A AELG busca desde 2011 institucionalizar o Día de Rosalía de Castro como unha xornada de celebración da nosa literatura, animando á cidadanía a agasallar cun libro en galego e cunha flor nese día. A AELG elaborou o seu manifesto anual para esta celebración, obra de Beatriz Maceda Abeleira.
Pola súa banda, a Xunta de Galicia conmemora o nacemento de Rosalía de Castro (23 de febreiro de 1837) cunha ampla actividade que leva ás bibliotecas públicas, os centros de ensino, así como aos centros de Estudos Galegos que o Goberno autonómico ten no exterior, con propostas que se prolongan máis aló da efeméride.
Mostras, obradoiros, espectáculos de teatro e narración oral ou música, entre outras propostas, integran a programación organizada nas bibliotecas xestionadas pola Xunta, para público de todas as idades e que pode consultarse nas webs dos respectivos centros bibliotecarios.
En Vigo, a biblioteca Juan Compañel instalou xa a mediados de mes senllas mostras, unha para público infantil e outra para adulto. A primeira delas Entre Cantares, ofrece unha selección de distintas edicións dos libros de Rosalía e discos de autores que musicaron os seus poemas. A segunda, O século de Rosalía, consta de paneis explicativos arredor dos fitos culturais e históricos na Galicia do XIX para contextualizar a obra e vida da autora. Ambas permanecerán no centro ata o 12 de marzo.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda