A RAG reclama a difusión na rede dos códices das “Cantigas de Santa María”
A solicitude cadra co 800 aniversario do nacemento de Afonso X o Sabio | Dixitalizar os manuscritos conservados no Escorial é “unha débeda”
![Alfonso X, de xeonllos, Códice Rico, cantiga 120. | // CEDIDA](https://estaticos-cdn.prensaiberica.es/clip/1ff6f042-2861-4189-b44b-bc0142cce9f7_16-9-aspect-ratio_default_0.jpg)
Alfonso X, de xeonllos, Códice Rico, cantiga 120. | // CEDIDA / e. o.n
e. o.n
Cando se conmemora o 800 aniversario do nacemento de Afonso X o Sabio, a Real Academia Galega reclámalle a Patrimonio Nacional que siga os pasos doutras moitas bibliotecas en materia de difusión dos seus fondos e comparta na rede os dous códices do inspirado poeta en galego –autor dun dos monumentos máis senlleiros da cultura europea da Idade Media, as Cantigas de Santa María– e que están custodiados no Escorial. “É chegado o momento de que o público interesado, ademais dos e das especialistas, teñan acceso libre a estes códices, a través de reprodución dixital dispoñible en aberto na web”, expresa a institución. Patrimonio Nacional débello –conclúe–“á cultura galega, á cultura hispánica, á cultura europea e universal”.
A RAG contactou en xaneiro con Patrimonio Nacional solicitándolle a posta a disposición pública na Rede dos chamados Códice Rico e Códice dos Músicos. Nunha breve resposta, Patrimonio Nacional limitouse a indicar que a dixitalización das obras de Afonso X se contempla na súa programación cultural e que está a expensas do desenvolvemento da planificación institucional, sen suxerir data ningunha para a súa difusión.
A colección das Cantigas de Santa María (máis de catrocentos cantares en lingua galega) chegou a nós en catro códices elaborados nos tempos do propio rei (s. XIII). Un dos volumes, o Códice de Toledo, atópase na Biblioteca Nacional de España e pode consultarse no sitio web da institución; outro permanece na Biblioteca Nacional Central de Florencia (Italia), e tamén está dispoñible na Rede; e os outros dous atópanse na Biblioteca de San Lorenzo de El Escorial.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda