Esta noite chega ás pantallas galegas un episodio cunha carga de tensión e xiros de trama como nunca antes viran os espectadores da serie "Pazo de Familia". O último capítulo desta temporada acabará de desenmascarar os Pardo Veiga, pero a maioría das cousas non serán o que parece. Emilio está por fin seguro de publicar no seu propio xornal que o seu pai é un asasino, pero para iso ten que falar antes con Leonor. Pola súa parte, Claudia, incapaz de deixar a un lado o cariño que sente polo seu avó, anuncia que se afasta do caso.
