A Organización de Discapacidade Sensorial de Galicia, Xoga, retoma a súa programación formativa enfocada á inclusión social e participación activa na sociedade do colectivo de persoas con diversidade sensorial.
Nesta ocasión Xoga, que compaxina accións formativas con outras entidades públicas e privadas, organiza dous cursos propios, enfocados a grupos reducidos de persoas con diversidade sensorial, ás que lles custaría participar en accións de participación máis numerosa.
O calendario deste outono inaugúrano dúas propostas formativas enfocadas a persoas con perda auditiva, xordeira e xordocegueira, co obxectivo de mellorar a súa inclusión e comunicación en todos os eidos da vida cotiá.
O curso "Habilidades sociais", de balde, inicia o vindeiro 28 de novembro, o calendario formativo do último trimestre de 2018 en Xoga. Este curso desenvolverase os mércores 28 de novembro e 5, 12 e 19 de decembro de 11.30 a 13.00 na Sala Liñares da Casa Azul.
O curso de "Reciclaxe de Lingua de Signos", de balde, ten previsto o seu inicio o vindeiro 29 e desenvolverase todos os xoves ata o 28 de marzo, a excepción do 6 e 27 de decembro, e 3 e 10 de xaneiro. O horario deste curso é de 9.30 a 11.30 e desenvolverase na Sala Valdecorvos da Casa Azul ata o 28 de marzo.
As persoas interesadas en participar en calquera destas actividades formativas pode dirixirse persoalmente á sede de Xoga na Casa Azul (Rúa Sor Lucía, 2,f, despacho 55) ou contactar no mail info@organizacionxoga.org ou vía WhatsApp no 698 147 917.
O prazo de inscrición para ambos cursos remata o 23 de novembro. Cada curso ten un número máximo de dez alumnos.
