04 de febrero de 2020
04.02.2020

Un total de 74 traballos optan aos Premios Johan Carballeira

Presentáronse 56 poemarios e 18 textos xornalísticos

04.02.2020 | 11:12
Os gañadores da edición do ano pasado no acto de entrega dos premios. // G.Núñez

Un total de 74 traballos optan este ano aos Premios Johan Carballeira, que convoca a Concellería de Cultura de Bueu. O prazo para a presentación de textos vén de rematar con 56 orixinais no apartado de poesía y 18 no de xornalismo. Unhas cifras de participación que demostran que o certame "é todo un referente a nivel galego", segundo salienta o concelleiro Xosé Leal.

Nas vindeiras semanas convocaranse os respectivos xurados, que tras avaliar os traballos elexirán ao gañador en cada unha das modalidades. Está previsto que os veredictos se coñezan a finais do mes de abril ou principios de maio, coa intención de facelos coincidir co Día das Letras Galegas. O premio está dotado con 1.500 euros en cada categoría e o seu obxectivo é render homenaxe ao que fora alcalde de Bueu, así como xornalista, escritor e poeta, José Gómez de la Cueva, máis coñecido como Johan Carballeira.

Os gañadores da edición de 2019 foron Arancha Nogueira co poemario "O silencio das gaivotas", publicado agora por Xerais como "Dente de leite", e o xornalista Aser Álvarez coa reportaxe "Ferrín e a poesía do circo".

Compartir en Twitter
Compartir en Facebook


Comeza un ano máis o Concurso Illas Cíes no que os nenos e nenas de Vigo nos contan como ven eles as Illas Cíes

FaroEduca