A Asociación Cultural Cacarexo, de Coiro, continúa co seu programa de actividades organizadas para o primeiro semestre do ano. Así, mañán ás oito e media da tarde, o centro sociocultural da parroquia acolle unha charla coloquio sobre "Os bosques autóctonos do Morrazo", a cargo do medioambientalista moañés Juan Antonio Tomé Cruz. Esta actividade terá continuidade práctica o domingo cunha visita guiada ao Carballal de Coiro conducida polo ponente e que partirá ás dez da mañán da igrexa de Santiago de Ermelo, facendo un roteiro circular ata a Cruz do Xestoso e volta ao punto de saída.
Para o vindeiro domingo, día 31, o colectivo cultural ten programada unha andaina segundo a ruta do río Xarela, en Santiago, e os seguintes domingos centrarase en realizar labores de mantemento no Muíño de Fausto.
