10 de febrero de 2019
10.02.2019

Homenaxe a un mestre que segue a ser fonte de luz

O Hío inaugura unha escultura en lembranza de Anxo Gago "Lito"

10.02.2019 | 03:26
Arriba, a escultura en primeiro termo coa actuación de Os do Serán. Á esq., a filla de Anxo Gago "Lito" co alcalde de Cangas. // Gonzalo Núñez

Xusto un ano despois do seu pasamento, O Hío e o mundo da gaita volveron a unirse para lembrar ao mestre gaiteiro Anxo Gago "Lito". Onte inaugurábase unha escultura de homenaxe, tanto a el como a todos os que aman a tradición. Unha escultura que non podía representar outra cousa máis que unha gaita.

"En lembranza de Anxo Gago "Lito" e en homenaxe a quen ama a música tradicional galega". Este sinxelo texto ao pé dunha gran gaita feita a partir de metal galvanizado da fe da profunda pegada que deixou o mestre Anxo Gago "Lito", finado hai agora un ano. A escultura está feita a partir de pequenas arandelas metálicas, algo que deu lugar a algúns fermosos paralelismos. "É como se cada arandela fose un gaiteiro e todas xuntas formasen unha gran gaita", dicía a filla de Lito, Susana Gago, na súa emocionada intervención. Unha intervención na que deixou outra mensaxe: desfrutar da música tradicional e espallar o gran legado que deixou o seu pai.

A escultura foi feita polo artista ourensán Adamo Cid e colocouse no entorno do aparcadoiro do adro do Hío. Moi preto do afamado cruceiro e con vistas inmellorables sobre a ría de Aldán-O Hío. "Estamos nun lugar emblemático, que nada ten que envexar a eses do banco máis fermoso do mundo", suliñou á súa vez o alcalde de Cangas, Xosé Manuel Pazos.

Nun acto de lembranza e homenaxe a un gran mestre gaiteiro non podía faltar a música tradicional. Os encargados de abrir foron os integrantes do grupo Os do Serán, integrado por veciños de Vilanova e que foi a última formación da que formou parte Lito. Tocaron dúas pezas: unha composición do propio homenaxeado e unha adaptación dunha peza popular.

Este recoñecemento xunto no Hío ao redor dunhas 200 persoas, entre veciños, familiares e músicos, moitos músicos. Entre os presentes estaba tamén o deputado provincial de Lingua e Cultura, Xosé Leal. A meteoroloxía onte non axudou e obrigou a acortar algunha das intervencións musicais. A Banda de Gaitas Tromentelo interpretou "Muíñeira de Vilariño" e os encargados de pechar foros os integrantes da Banda de Gaitas Manxadoira de Bueu, da cal Anxo Gago "Lito" foi director fundador. Manxadoira fixo unha adaptación para interpretar nunha sola peza dous valses compostos por Lito: "Agulliña" e "Vals de Manxadoira".

Compartir en Twitter
Compartir en Facebook


Ledicia Costas: "Me gustaría ver a una mujer presidiendo el Gobierno de España"

En un vídeo de dos minutos y medio, la escritora relata cómo decidió cambiar la abogacía por la literatura: ?A las niñas les digo que, con esfuerzo, es posible?

Comeza un ano máis o Concurso Illas Cíes no que os nenos e nenas de Vigo nos contan como ven eles as Illas Cíes

FaroEduca