O salón de actos do IES Antón Losada Diéguez da Estrada acollerá mañá luns, 26 de febreiro, o acto de celebración conxunta do Día de Rosalía, programado de xeito coordinado polos Equipos de Dinamización da Lingua Galega dos tres centros de secundaria. Será de de 10.45 a 11.35 horas e consistirá nun recital poético e musical a cargo de alumnado dos centros tomando como base os textos poéticos da autora galega.

A parte musical correrá a cargo do alumnado de 1º de ESO do IES Antón Losada, que interpretará unha adaptación do coñecido poema Adiós ríos, adiós fontes e unha versión rapeada do mesmo a cargo dun alumno de Bacharelato. Tamén fará a súa achega musical o alumnado de 4º ESO e 2º Bacharelato do IES García Barros, interpretando unha versión de Negra sombra. Alumnas do IES Nº 1 ocuparanse do recitado dos poemas Tecín soia a miña tea e Xan.

Por primeira vez o tres centros celebrarán de xeito conxunto e coordinado este evento, coa idea de darlle continuidade os anos vindeiros. O obxectivo desta actividade xira arredor da idea de salientar o papel que tivo, e segue a ter, a obra da autora padronesa de cara a dignificación e extensión do uso do galego.

Estes tres centros educativos participarán tamén o martes nos actos programados polo Concello, previstos para as 20.00 horas no MOME.