Flores e música para Blanco Amor
O cemiterio de San Francisco acolleu onte a tradicional homenaxe ao autor de “A Esmorga” no 44º aniversario do seu pasamento
![Homenaxe a Blanco Amor no cemiterio de San Francisco, onte. | // FDV](https://estaticos-cdn.prensaiberica.es/clip/4ce7a936-7354-40dc-9e19-77ae65e73508_16-9-aspect-ratio_default_0.jpg)
Homenaxe a Blanco Amor no cemiterio de San Francisco, onte. | // FDV / REDACCIÓN
REDACCIÓN
O cemiterio de San Francisco, na cidade de Ourense, acolleu onte a tradicional ofrenda floral en homenaxe ao escritor ourensán Eduardo Blanco Amor, con motivo do aniversario do seu pasamento, do que se cumpriron 44 anos este 1 de decembro.
A esta conmemoración, na que soaron dúas gaitas da Real Banda, sumáronse estudantes do IES Blanco Amor, do barrio da Ponte, e representantes institucionais da Xunta e da Deputación Provincial de Ourense. En nome da administración provincial participou o deputado de Representación Institucional, Rosendo Fernández, quen destacou na súa intervención a “relación indisoluble entre o autor que inmortalizou Auria e a Deputación de Ourense”. Tamén lembrou ao autor de “A Esmorga” o delegado territorial da Xunta, Gabriel Alén.
Esta homenaxe a Blanco Amor no cemiterio de San Francisco no que repousan os seus restos, naceu a comezos dos anos 80 do século pasado, a iniciativa de Marcos Valcárcel e outros amigos do escritor do escrito, á que se sumou de inmediato o IES de A Ponte, que nesa época pasaría a chamarse IES Eduardo Blanco Amor a petición da profesora María do Carmo Henríquez Salido.
Doutra banda, a entrega do XLII Premio de Novela Eduardo Blanco Amor, prevista para onte no Liceo, quedo aprazada ata nova data. O galardón recaeu na xornalista e escritora pontevedresa Sara Vila Alonso pola súa obra “O Incendio”, escollida entre un total de 21 orixinais presentados a esta edición. Organizado pola Fundación Eduardo Blanco Amor coa colaboración da Deputación de Ourense, o premio está dotado con 15.000 euros e unha peza artística do escultor Acisclo Manzano.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda