O BNG do Ribeiro rendeu homenaxe a Aristóbulo Quinteiro que, en 1979 foi o primeiro concelleiro do BNG na comarca ao ser elixido no concello de Beade. “O seu compromiso co pobo comezou en plena ditadura, participando na loita dos traballadores da terra a través das Comisións Labregas”, explican desde a formación.
Desde o partido sinalan que esta homenaxe é extensiva a toda unha xeración de militantes que protagonizaron a loita popular contra a ditadura.
