Condicións terceiro-mundistas
70.000 veciños e veciñas viven en condicións terceiromundistas no barrio da Agra do Orzán.
Nesa zona da Coruña necesitanse zonas verdes na única zona que aínda queda nese barrio sen edificar e non o polígono de vivendas que quere permitir construir a concelleira de urbanismo, señora Mar Barcón, en colaboración coa concelleira de Ordenación Territorial da Xunta, en beneficio de catro construtores.
Tenta enganar aos veciños dicindo que vai ser un parque o que non é máis que un polígono con bloques de vivendas de altura elevada.
Afirma a señora Mar Barcón que gastará diñeiro niso cando o xardinciño que plantea farano os construtores e o Concello non porá nin un euro.
Neste grave conflito xógase a dignidade, a calidade de vida e o medioambiente desta zona degradada da Coruña.
A estas causas xustas enfróntanse os intereses máis espúreos do urbanismo máis salvaxe que poida existir neste momento no noso país.
Os políticos socialistas prefiren actuar para o beneficio das construtoras que para o benestar dos veciños.
O alcalde Losada minusvalora as constantes movilizacións de cada xoves dos residentes.
Pola dignidade da agra, parque xa e non máis vivendas!