Bernardino Graña, 91 anos cara o mar
O ilustre poeta celebra o aniversario con actos de homenaxe en Cangas e Panxón
![Bernardino Graña, poeta do mar de Cangas, onte, rodeado de amizades en Panxón (Nigrán)](https://estaticos-cdn.prensaiberica.es/clip/3410692e-e98e-42f5-8586-0a419c160096_media-libre-aspect-ratio_default_0.jpg)
Bernardino Graña, poeta do mar de Cangas, onte, rodeado de amizades en Panxón (Nigrán) / FDV
Cun viño mencía servido en copa quente e rodeado de amizades celebrou onte Bernardino Graña os 91 anos de vida, que son case os mesmos que de literatura. A idade vaille mermando a mobilidade, obrígalle a facer vida na residencia de Panxón na que xa pasou os últimos aniversarios entre o templo votivo de Antonio Palacios e o mar atlántico, e dificúltalle desprazarse a Cangas como lle gustaría, pero non perde as gañas de celebrar, de compartir tragos de viño e poesía.
Onte estivo rodeado das alcaldesas de Cangas e Moaña, Araceli Gestido e Leticia Santos, do rexedor de Nigrán, Juan Antonio González, de amigos como Xoán Chillón, Camilo Camaño e Manuel Álvarez, doutros poetas, como Daniel Costa, e tamén de membros do grupo Varalonga, que ten musicado moitos dos seus poemas recollidos nun CD coa colaboración de A Cepa.
![Descubrimento da placa na casa natal de Bernardino Graña na rúa Saralegui](https://estaticos-cdn.prensaiberica.es/clip/a6bdd613-c942-4073-8bad-ee089e428b02_alta-libre-aspect-ratio_default_0.jpg)
Descubrimento da placa na casa natal de Bernardino Graña na rúa Saralegui / G.Núñez
Pola mañá rendéuselle homenaxe en Cangas coa colocación dunha placa na casa da rúa Saralegui donde veu ao mundo o 27 de setembro de 1932, en sustitución da que se lle adicou o ano pasado que foi arrancada hai uns meses e que non apareceu. Estaban autoridades municipales, como a alcaldesa e as concelleiras de Cultura, Aurora Prieto, e Servizos, Iria Malvido. Tamén o exrexedor Euloxio López e unha piñoca de amigos e amigas que asistiron ao acto, con Xico de Carinho sacando música da harmónica.
Foron actos emotivos que pensan volver a repetir outro ano, con poesía e Bernardino Graña mediante.
Suscríbete para seguir leyendo
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda