O BNG de Cangas demanda a convocatoria urxente do Consello Escolar Municipal para tratar “as demandas e necesidades da comunidade educativa e as solucións propostas a curto e medio prazo”. Segundo sinalan desde a formación nacionalista, a comunidade educativa leva meses sen reunirse para tratar dos problemas e necesidades, e inciden en que “os continuos cambios e problemas do equipo de goberno impídelles atender ás necesidades cotiás”, como a actividade escolar, os camiños seguros, aula matinal ou os comedores.
“No mandato anterior, co BNG ao fronte, o funcionamento era continuo e o diálogo fluído”, recalcan na súa esixencia de convocar xa o Consello Escolar.
