"Coroapeli", unha curta sobre a pandemia que busca o sorriso
Unha familia numerosa de Vigo prepara unha película sobre o coronavirus en chave de humor
Vence-lo coronavirus non é doado. Fai falla moita ciencia pero tamén un chisco de humor para afrontar, dentro do que se pode, o drama que avanza. Unha familia numerosa viguesa decidiu facer unha curtametraxe para intentar escachar co riso ó tempo que explica a batalla que se libra co SARS-CoV-2. A peza chámase "Coroapeli".
Está protagonizada por Noa, que nuns días cumplirá seis anos; e polos seus irmáns Iago e Antón que veñen de sopra-las nove velas. No equipo de edición, realización e guión, Lagarto Films, Os Increíbles, Corentena Situation e E algo hai que facer Productions, é dicir, seus pais: Dori Seijo e Alberto Rodríguez.
En pouco máis de sete minutos, presentan a historia dunha "maléfica criatura" que aparece "nun lugar calquera do mundo" de onde cada vez se vai facendo máis forte. Superheroes de todo o globo tratan de poñerlle freo pero ela avanza implacable ata que algo pasa.
Dori Seijo -profesora de Educación Física no IES Escolas Proval de Nigrán- maila súa parella Alberto Rodríguez -que imparte clase no IES Terra de Turonio de Gondomar- puxéronse a traballar nesta peza cos seus tres fillos como resposta ás tarefas no grupo de Whastsapp do colexio dos pequenos. "A verdade é que se lles ocorreu a eles. E un día que estaban moi nerviosos empezamos co traballo de facer unha película", explica Seijo.
Sen dúbida é unha das propostas interesantes para facer na casa cos pequechos nestes días de corentena.
Temas
Más en Gran Vigo
-
Muere un octogenario en Vigo tras sufrir un infarto en plena calle
-
Llama para alquilar un piso turístico en Vigo y engaña a la dueña para que le ingrese 300 euros
-
El Concello licita por 320.000 euros la gestión de la Casa da Xuventude un mes después de su cierre sin previo aviso
-
El pleno de Vigo aprueba por unanimidad reclamar a la Xunta la reforma de centros educativos