17 de mayo de 2019
17.05.2019

Lidia Senra: "Cada proposta da UE sempre favorece ás multinacionais en contra do traballador"

"A polémica das vacinas está pasada e non vou entrar nela" - "Nin o agro nin as zonas costeiras galegas manterán o seu modo de vida se non se apoia outro modelo"

17.05.2019 | 01:06
Lidia Senra, na sede de En Marea. // Xoán Álvarez

Lidia Senra aspira a repetir o escano no Parlamento Europeo que logrou con AGE en 2015. Rexeita reabrir a polémica sobre o seu posicionamento ante as vacunas, logo de asegurar nunha iniciativa parlamentaria que ninguén demostrara a súa seguridade. O seu novo partido desmarcouse desa opinión e situouna como candidata aos comicios do día 26. É número 2 da coalición "Compromiso por Europa", que encabeza Compromís.

- Que pode facer por Galicia no Europarlamento?

-Seguir traballando en temas abertos como a reforma da Política Agraria Común (PAC), aprobada na Comisión de Agricultura, pero que na próxima lexislatura terá que pasar polo Parlamento. Facer emendas é fundamental para que os prezos dos productos agrícolas non sigan por debaixo dos costes de producción. E ten que haber unha redistribución das axudas. Outra cuestión fundamental é frear o cambio climático. Hai un movemento da xuventude que nos di que non temos dereito a deixar un planeta hipotecado. O modelo agroalimentario actual é responsable de parte moi importante da emisión de gases de efecto invernadoiro. A PAC tiña que facer unha viraxe profunda para promover unha agricultura e comercialización diferentes. É posible, pero hai intereses moi potentes para mantelo en mans do modelo agroindustrial.

- Están alonxadas as institucións da nosa realidade?

-Era necesario que o debate das institucións europeas se coñecese aquí, pero non hai moito interese. Sen dar o debate, por exemplo, sobre a nova PAC ou o regulamento de control de pesca, a sociedade descoñece o posicionamento de cada quen. Logo élles moi doado aos partidos que gobernan dicir que algo vén de Europa. É fundamental que todas as personas da UE sexamos conscientes do que se está debatindo. Sempre ten repercusión. Cada vez que a Comisión Europea propón unha normativa sempre é para favorecer a unha minoría e ao interés do capital, en contra da maioría da sociedade e dos traballadores. Iso provoca que as persoas sexan críticas coa UE. Ten que haber un cambio e que a UE debe deixar de facer políticas a prol das grandes multinacionais para favorecer ás persoas.

- Como traballadora do agro e tamén eurodeputada, como afectou a UE a este ámbito?

-Foron máis os perxuízos que os beneficios. O rural estase desertizando e as explotacións téñeno cada vez máis difícil porque os prezos non cubren os costes de producción. É unha política para beneficiar ao agronegocio pensada para grandes exportadores e non pensada na soberanía alimentaria. Nin o agro nin as nosas zonas costeiras manterán o seu modo de vida e postos de traballo se non hai apoio decidido á agricultura e pesca artesanal. É un dos xeitos de crear emprego. A xuventude non atopa traballo. Se imos acabando unha a unha coas bases da nosa economía ao final... Para frear o cambio climático fai falla un modelo baseado na agroecoloxía.

- Logo do golpe do 28-A e os pronóstico do CIS, que non lles dá representación no Parlamento Europeo, que expectativas ten?

-Facemos o posible para que se coñeza o noso discurso. Non todo o mundo sabe que o 26 hai eleccións municipais e europeas. O 80% das decisións que afectan ao noso día a día tómanse na UE. Os labregos e mariñeiros son conscientes, pero hai outras políticas que afectan, por exemplo, ás pensións públicas. Malia non haber unha política directa da UE, esta favorece que sigan a deteriorarse. Acaba de aprobarse no Parlamento Europeo un regulamento para favorecer un mercado europeo de pensións privadas con incentivos fiscais.

- Costaralle votos ter cuestionado a seguridade das vacinas?

-É unha polémica pasada. Estamos e esteremos na defensa da sanidade pública e da saúde.

- Pero terá efecto electoral?

-Non sei.

- Mantén o mesmo posicionamento da iniciativa na que cuestionaba a seguridade das vacinas?

-Xa lle digo que é unha polémica pasada e non vou entrar nela.

- Nunha entrevista indicou que non donaba parte do seu salario a AGE, coalición coa que se presentou no 2015. Vaino facer agora a En Marea?

-Xa o expliquei no seu momento. Estou disposta a dar un debate en profundidade sobre todos os salarios públicos, desde un cargo institucional a un xuíz, e por que todo o mundo teña un soldo digno. En segundo lugar, sempre defendín que o que se dona a un partido non é un debate público.

- Vostede preséntase por En Marea e as súas normas recollen que os seus cargos deben donar o salario por riba de 3.000 euros mensuais á organización e que iso sexa público. Vaino cumplir?

-Aceptei presentarme por En Marea e non vou montar unha guerra contra ela.

- Tras obter 17.000 votos nas xerais, En Marea reflexionará sobre o seu futuro. Cal debe ser?

-Os debates hai que dalos internamente e logo comunicar os resultados. O meu pensamento prefiro mantelo no interno e, concluído o debate, dicilo publicamente. Son desa vella militancia.

Compartir en Twitter
Compartir en Facebook
FaroEduca
selectividad 2018 Galicia

Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias


Calendario laboral y escolar 2019/2020

Calendario laboral 2019 en Galicia

Calendario Laboral 2019 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2019/2020 .

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia