faro da escola
Os ‘Oscar’ do CEIP A Carballeira: curtas e música en Stop Motion
O proxecto formou parte da asignatura de Educación Musical
![Un dos premios do I Concurso de Stop Motion do CEIP A Carballeira](https://estaticos-cdn.prensaiberica.es/clip/8355a328-7cfc-4c0e-9cf1-86864357f0a6_16-9-discover-aspect-ratio_default_1215569.jpg)
Un dos premios do I Concurso de Stop Motion do CEIP A Carballeira / Cedida
C. Mañas
No CEIP A Carballeira a música é parte indispensable do currículum e da vida diaria, unha materia que mellora a convivencia mentres educa, sobre todo, emocionalmente.
Así defende a súa asignatura a mestra Soraya González Gutiérrez cando explica a FARO o gran proxecto audiovisual no que se embarcou cos seus alumnos e alumnas: a gala de premios do I Concurso Stop Motion A Carballeira.
“O concurso parte dun proxecto levado a cabo en educación musical para o alumnado de 5° e 6° de primaria” explica Soraya sobre a actividade onde os estudantes experimentaron con esta técnica de animación traballando diversas disciplinas (artística, lingüística, matemática, dixital, emprendedora, persoal e social). “É unha canle perfecta para expresar e comunicar de xeito creativo as súas ideas e sentimientos, experimentando coas posibilidades do son e dos medios dixitais.”
Así, durante as sesións de música prepararon os seus deseños, buscando temas e materiais para levalos a cabo. “Foi un proceso colaborativo onde todos e todas se axudaban entre eles”.
Os temas elixidos foron diversos: a amizade, o amor, o fútbol, crimes, robots, dinosaurios, o ciclo da vida, músicos, invasións...
E para facelos realidade, elementos como a plastilina ou os xoguetes articulados foron os que mais éxito tiveron. “Buscamos tamén os instrumentos ou efectos de son máis idóneos para a súa historia, reflexionando sobre as calidades do son e a súa acústica.”
Unha gala de nivel
Foron os estudantes participantes, as aulas de 5º e 6º, os que deron forma ao evento da entrega de premios. En colaboración coas titoras confeccionaron un guion para presentar a todo o centro os proxectos.
“A gala discorreu con moitos nervios e emoción. Un xurado formado polo profesorado foi o encargado de elixir o 1°, 2° e 3° premio, pero fixemos partícipe tamen a todo o alumnado do centro na elección do Premio do Público.”
“Os alumnos de 5º e 6º de Primaria deseñaron a gala de premios”
E é que, unha semana antes da gala, preparouse un visionado de todas as curtas en cada unha das aulas.
“Este proceso foi transparente e anónimo, onde cada alumno votou ao seu favorito.” Pero imos ao importante: o evento.
A gala comezou co desfile pola alfombra vermella de todos os participantes: “Ían vestidos elegantes, por suposto, para a ocasión.”
Despois do visionado e presentación dos proxectos comezou a entrega de premios propiamente dita, da man do equipo directivo e os nenos de cuarto, que participaron en representación do público.
![Os alumnos disfrutando da súa gala.](https://estaticos-cdn.prensaiberica.es/clip/fc73d652-6e05-4c63-8ecb-0268089e1666_alta-libre-aspect-ratio_default_0.jpg)
Os alumnos disfrutando da súa gala. / Cedida
Os gañadores recibiron como presente unha estatuíña ao máis puro estilo Hollywood e varios agasallos.
Os tres primeiros premios do Xurado foron para Teresa Xin de la Peña, (Amizade) Alex Pazos Tablada (O Asasinato) e Yanira Montoya (Corazón Roto). O premio do pñublico foi para Iris González (Banana Minion).
“O proxecto vencedor representaba a amizade de dúas personas. Un proxecto realizado enteramente con plastilina e sonorizado co xilófono. Aínda que cabe destacar que todas as propostas eran moi interesantes e tratouse dunha elección moi complicada”. Por iso, todos e todas as participantes levaron a casa un diploma.
“A gala foi a culme dun proxecto que pon en valor o seu traballo, amosándoo a toda a comunidade educativa. Un día moi especial na escola, tanto para alumnos como para profesores”.
De feito, Soraya remata afirmando que, agora, todas as aulas queren preparar o seu propio Stop Motion, e incluso se está plantexando a posibilidade de que en próximas edicións tamén participen outros centros.
“E por suposto que imos facer a crónica no noso FARO DA ESCOLA, pois foi un feito moi importante na vida do CEIP A Carballeira.”
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda