A ciencia galega ten canteira!
Máis de 5.400 alumnos e alumnas déronse cita durante as tres xornadas de Galiciencia, na que non faltou o tradicional concurso de proxectos, ademais de actividades, talleres e espectáculos deseñados para achegar a ciencia e a tecnoloxía aos máis novos
![A nova edición de Galiciencia, centrada na madeira, reuniu a máis de 5.000 estudantes e un centenar de proxectos de toda Galicia.](https://estaticos-cdn.prensaiberica.es/clip/6e198cde-72e6-49e4-9c23-c93c560bfebf_16-9-discover-aspect-ratio_default_0.jpg)
A nova edición de Galiciencia, centrada na madeira, reuniu a máis de 5.000 estudantes e un centenar de proxectos de toda Galicia. / Galiciencia
R.V
Galiciencia, a maior feira científica da comunidade, volveu un ano máis ao Parque Tecnolóxico de Galicia en Ourense, desta vez baixo o lema “Mellor, de Madeira”, para espertar as vocacións científicas entre o alumnado de Primaria, Secundaria, Educación Especial, FP e Bacharelato.
Máis de 5.400 alumnos e alumnas déronse cita durante as tres xornadas do evento, na que non faltou o tradicional concurso de proxectos, ademais de actividades, talleres e espectáculos deseñados para achegar a ciencia e a tecnoloxía aos máis novos de xeito práctico e divertido.
O concurso de proxectos
Desde unhas gafas de realidade virtual para que as persoas con discapacidade auditiva poidan sentir a música, un método que emprega a intelixencia artificial para detectar TDAH nas aulas, un peluche deseñado para calmar os ataques de ansiedade, ata unha máquina recreativa elaborada con madeira.
De que o enxeño das novas xeracións non ten límites e de que a ciencia galega ten boa canteira deu boa conta o centenar de proxectos de alumnado de Secundaria, Bacharelato, FP e Primaria de toda Galicia presentados á feira, onde puidemos ver propostas moi variadas e de campos tan diversos como agricultura, bioloxía, física, medio ambiente, comunicación, música, robótica, tecnoloxía… ademais da madeira, protagonista desta edición.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda