Libros
Ponto, rei de Galicia
Unha faia antiga e nova
![Detalle da portada do poemario "A faia de Ponto".](https://estaticos-cdn.prensaiberica.es/clip/26ed9d44-97ad-433d-b66f-c334cd99fe1a_21-9-aspect-ratio_default_1202074.jpg)
Detalle da portada do poemario "A faia de Ponto".
Oriana Méndez
Con formato de plaquette ou de libro-obxecto, chega A faia de Ponto. Le roi de la Galice, unha brillante proposta poética de Alba Cid e Estevo Creus que conta con ilustracións da artista portuguesa Maria João Worm; deseños simbólicos de beleza salientable que dialogan cos textos e nos guían visualmente ao seu través.
Os poetas recuperan o mito de Ponto que fora desenvolvido no romance francés de finais do século XIV Ponthus et la belle Sidonie, traducido ao galego por Paulo Nogueira e tamén, recentemente, por Henrique Harguindey. Para nós esta non é unha lenda medieval allea, pois o trazo que singulariza ao mozo Ponto que cabalga no bosque de Brocelianda, en Bretaña, e defende o seu amor por Sidonie, é ser o rei dunha Galicia medieval aínda fulxente no contexto da literatura europea grazas á excelsa produción lírica dos nosos trobadores. Porén, aos días galaicos de hoxe, a lenda do Ponto amigo chegou un tanto exsangüe, malia a recuperación que dende a música fixera o gaiteiro Carlos Núñez e na narrativa, X. L. Méndez Ferrín. Agora, grazas aos poetas, podemos dicir que Ponto regresou onda nós na forma dunha vivísima escrita a catro mans.
Dous poetas pertencentes a distintas xeracións, e de estilos ben diferenciados, trazan as liñas que achegan a lenda aos lectores actuais e que, ao mesmo tempo, nos levan pola historia afastada e próxima. Así, a escrita mesurada e minimalista de Estevo Creus -o soño dunha árbore/prendido da mamila- combínase maxicamente coa fondura narrativa e a riqueza referencial de Alba Cid -Ponto móvese na procura de todo aquilo que aínda non/perdeu realmente- para consagrar unha faia antiga e nova que agora prende na terra nosa.
Suscríbete para seguir leyendo
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda