Unha alegoría da vida mesma
Poemario maduro
![Portada de "A timidez das copas", de Ruth Oliveira.](https://estaticos-cdn.prensaiberica.es/clip/e5da43ac-e733-4354-a5d3-4bf378c33370_21-9-aspect-ratio_default_1116157.jpg)
Portada de "A timidez das copas", de Ruth Oliveira.
Héitor Mera
Vén de saír o primeiro poemario da autora viguesa Ruth Oliveira. E faino como boa noticia unha vez lemos e situámonos perante a proposta.
En calquera proxecto creativo a solidez é unha das características que nos fai pensar que o que temos diante é realmente un produto de valor. Xa temos dito nesta columna nalgunha ocasión que o caixón de xastre, sen orde, sen criterio sen, en definitiva, unha poética presente palpable, perceptible, pode levar a identificar pequeñas raiolas de talento moi mal canalizado e dende logo non alicerzadas. É por iso que gustamos de percibir un construto sólido, levado adiante por un plan previo. Esas pautas son as correctas para facilitar a creación cun verniz de rigor sempre preciso en calquera circunstancia. E se a a isto lle engadimos sensibilidade e capacidade para a escrita poética, o resultado xa é circular, prístino. E non dicimos que acadar todo isto sexa sinxelo. Non é unha ecuación.
A timidez das copas ten algo de todo isto. É unha primeira entrega a de Ruth Oliveira que non parece tal. Hai táboas, hai traballo previo perceptible nos seus versos. Esa poesía da contemplación da vida, da natureza e a existencia. Ese compendio de telurismo e existencialismo envolve ao lector/a na evocación de moitos dos sentimentos e procesos de observación que nos pode tocar a nós mesmos nun momento dado da nosa vida.
Coidamos que A timidez… é unha alegoría da vida mesma. A visión das fírgoas que dan luz e vida convivindo tamén coa escuridade é metáfora perfecta do sentir vital, do proceso intuitivo que nos leva a percibir a existencia cotiá a través dunha manchea de matices. Non podemos obviar que esta visión non está exenta de certo escapismo. Abstracción por todo aquilo que nos é dado mais non é desexado.
Ao ler o poemario percíbese madurez. O escapismo non ten que ser sinónimo de covardía, irresponsabilidade. Moi pola contra, a lectura destes versos axúdanos a reflexionar e escoller. A sermos máis completos/as.Así pois, lectura recomendada. Debemos recuncar sempre na boa poesía.
![Portada de "A timidez das copas", de Ruth Oliveira.](https://estaticos-cdn.prensaiberica.es/clip/fd222068-77ae-4305-a4c7-dbe5c7ab065e_alta-libre-aspect-ratio_default_0.jpg)
Portada de "A timidez das copas", de Ruth Oliveira.
OLIVEIRA, Ruth. "A timidez das copas", Laiovento, Santiago, 2021, PVP. 10€
Suscríbete para seguir leyendo
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda