Trama ben artellada
Afouteza e perseveranza
![Trama ben artellada](https://estaticos-cdn.prensaiberica.es/clip/b5512783-0408-4f61-8e42-2d24dd61077a_21-9-aspect-ratio_default_1121998.jpg)
Trama ben artellada / María Navarro
María Navarro
Ter poderes e poder empregalos para desprazarse ou brincar cos amigos semellan prácticas divertidas ou, polo menos, así o expresa Selana, protagonista do volume que Alba De Eván e Xabier Domínguez veñen de publicar na colección “Meigas” de Edicións do Cumio, aínda que, ás veces, as cousas non saen como un quere e a solución é máis complicada do que nun principio podería parecer.
Ademais da tarefa escolar cotiá a pequena meiga ha de prepararse para os exames de bruxa e seguir practicando un feitizo que non lle dá saído e que a ten certamente amolada. Por iso, ha de renunciar a ficar cos compañeiros despois da saída de clase e aproveitar todo o tempo libre para superar ditas probas. Mais por se era pouco traballo crúzase no seu camiño a desconfianza de Saúl e a cativa non ten máis remedio ca solicitar a axuda da súa avoa que vive, tamén, rodeada de apócemas e conxuros para resolver o desaguisado.
Unha trama ben artellada con ingredientes cautivadores fará que a cativada se sinta atraída polos movementos da rapaza que poderá servir de modelo de afouteza e perseveranza no traballo; se un quere acadar os seus obxectivos ha de esforzarse e renunciar a determinados momentos de xolda e diversión, pedir axuda a quen a poida ofrecer e pensar que, se un quere, pode atinxir todo aquilo que desexa.
Por outra parte, no texto sería de destacar a creatividade como capacidade de xerar ideas e conceptos que poden axudar á hora de resolución de problemas e que supoñendo un pensamento orixinal achegan á persoa unha sorte de estratexias que quizais permitan superar expectativas, identificar oportunidades ou procurar solucións e que serán positivas para a formación intelectual e emocional dos nenos e das nenas.
![Portada de "A Bruxa Selana", de Alba de Eván y Xabier Domínguez.](https://estaticos-cdn.prensaiberica.es/clip/ccaa0035-fd76-4dce-b554-e6b061a33ad9_alta-libre-aspect-ratio_default_0.jpg)
Portada de "A Bruxa Selana", de Alba de Eván y Xabier Domínguez.
DE EVÁN, Alba/DOMÍNGUEZ, Xabier, "A Bruxa Selana" (Ils. Laura Cortés), Cumio, Ponte Caldelas, 2021, PVP. 12,30€
Suscríbete para seguir leyendo
- Un joven muere en su coche embestido por un Porsche que perseguía la Policía junto a la plaza de abastos de Cangas
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- “Míchel”, un trabajador del mar que regresaba de la nécora
- Accidente mortal en Cangas
- Un nutricionista desvela qué es lo primero que le quita a los pacientes que quieren adelgazar
- Andrea Janeiro vuelve a España y sorprendente a todos con su cambio físico
- El detenido por el accidente mortal en Cangas, trasladado a los calabozos del cuartel de la Guardia Civil