Poesía ontolóxica
Interesante e atinado

Aspecto da cuberta de "Humanario", de Pilar García Rego. / Héitor Mera
Héitor Mera
Segunda entrega poética de Pilar García Rego, Humanario mergulla na reflexión entre os límites dos trazos humanos e animais. Vai do máis fondo, primixéneo cara a posibles variacións evolutivas nas que as metáforas relacionadas coa transformación están latexantes todo o libro. É, porén, un cuestionamento, unha evocación da dúbida natural. Unha pescuda que non queda só na exposición lírica e filosófica do que á poeta lle interesa, senón que retorce, pescuda e transforma a sintaxe facéndonos visualizar a estrutura mesma da lingua como elemento transformador, cambiante e non definitivo.
Xa que logo, poderíamos falar dunha poesía ontolóxica en stricto sensu. O pensamento do eu lírico vai encamiñado a expoñer a categoría dos distintos entes. Do xeral ao particular e, no medio, a posible transformación.
A riqueza propiamente dita deste texto radica na capacidade de complementar a sabenza creadora e poética coa indagación filosófica máis fonda. Todo o que percorre o libro son imaxes, metáforas e propostas que levan ao lector a percibir unha serie de supostos que van moito máis alá do evidente e inmediato. A realidade ten capas e poden ser esmiuzadas para intentar –ou non- ser comprendidas ou simplemente evocadas como posibles.
Pilar García Rego presenta, pois, un poemario interesante no contido, atinado na súa forma poética e co lirismo da mellor poesía filosófica e existencial. Humanario é unha boa maneira de repensarnos a nós e á natureza que nos rodea. É un poemario completo en todos aqueles aspectos literarios que fan unha obra ser merecerte de ser tida en conta. Foxe da medianía cunha mestría e consistencia necesarias para alegría de lectores de poesía ávidos de textos de calidade

Poesía ontolóxica / Héitor Mera
GARCÍA REGO, P., Humanario, Galaxia, Vigo, 2021, PVP. 11,87€
Suscríbete para seguir leyendo
- «Trabajo solo por encargo, y tengo una lista de espera de casi dos años»
- «Tosí, él dijo ‘aquí no era’ y siguió pinchando; no me avisó de los riesgos»
- Ratifican la condena a un fisioterapeuta que perforó los pulmones a una paciente por una «evidente» mala praxis en la punción con agujas
- Murió de un infarto a las dos horas de que lo atendieran y le diagnosticaran gastroenteritis
- Cazan a un trabajador vigués jugando al pádel en horas de trabajo y contrataca denunciando impagos
- Andrés Millán, abogado laborista: «Nunca me jubilaría 24 meses antes, como mucho lo haría 19 o 20 meses antes»
- Carmen quedó parapléjica en el hospital de Ourense a los dos días de una cirugía de rodilla: «No quiero vivir así»
- Aurelio Rojas, cardiólogo, recomienda este cambio cuando salgas a caminar: «Es como pasar de ver la tele a entrenar tu sistema cardiovascular»