Educando para a paz
Reflexión e formación
![Ilustración da portada de "A cidade do átomo".](https://estaticos-cdn.prensaiberica.es/clip/aad545ef-bae9-4453-8fc6-cb2c6b6408b8_21-9-aspect-ratio_default_1091604.jpg)
Ilustración da portada de "A cidade do átomo". / Sonia García
María Navarro
O IV Premio Agustín Fernández Paz pola Igualdade, que por unanimidade obtivo a obra titulada A cidade do átomo, recrea as consecuencias que para o espazo e os seus habitantes tivo a explosión no reactor 4 da planta nuclear de Chernóbil a finais de abril de 1986 e que obrigou á evacuación da cidade de Prípiat, daquela República soviética de Ucrania e que agora a ficción histórica realizada por Iria Misa presenta ao lector mozo de forma tenra e dura ao mesmo tempo, rodeando de certo misterio o discurso dos acontecementos e de certa intriga esperanzadora o decorrer dos feitos que teñen a Lena Petrov como protagonista dunha historia triste que procura aceptación nun medio que lle é hostil tanto espacial como socialmente.
Edificios baleiros, rúas desertas, ruínas insoportables convértense no escenario no que un grupo de cativos e cativas actúan agardando os adultos que supostamente evacuaran temporalmente. Mais a realidade caprichosa afánase en negarlles a volta, mantendo acesa a faísca da ilusión por un reencontro que a saber cando chegará se é que algún día chega. Mentres tanto teñen que convivir coa desolación e cos danos colaterais derivados do desastre en forma de doenza, eiva, malestar ou molestia que os pequenos superan por simple instinto de supervivencia e porque hai quen se empeña en manter a falacia que a protagonista vive con resignación e esperanza.
Un texto que pode actuar sobre o microcosmos escolar e que apunta tamén ao macronivel das estruturas sociais, onde se traballa a comprensión, os dereitos, a multiculturalidade, a resolución pacífica de conflitos e o desenvolvemento, semella unha boa maneira de educar para a paz e esta novela, abofé, que propicia a reflexión e a formación.
![Educando para a paz](https://estaticos-cdn.prensaiberica.es/clip/aad545ef-bae9-4453-8fc6-cb2c6b6408b8_alta-libre-aspect-ratio_default_0_x203y335.jpg)
Educando para a paz / María Navarro
MISA, Iria, A cidade do átomo (ils. Sonia García), Xerais, Vigo, 2021, PVP. 12€
Suscríbete para seguir leyendo
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda