‘Camariñas Sorprende’ coa XXXIII Mostra do Encaixe
» Do 27 ao 31 de marzo, a vangarda e a tradición danse cita ao redor da pasarela
A XXXIII Mostra do Encaixe de Camariñas Deputación da Coruña, que se celebrará do mércores 27 ao domingo 31 de marzo, quere reivindicar o encaixe como un elemento de valor para coñecer o municipio, ao igual que as festas, as tradicións, as paisaxes e a gastronomía. Faino a través do seu lema: ‘Camariñas Sorprende’.
Esta intención xa queda plasmada no cartel, obra do deseñador galego afincado en Marbella Esteban Freiría, que busca un cambio de tendencia e deixa ben claro o que é hoxe en día a Mostra e o encaixe: modernidade e vangarda. O cartel busca imitar ás cabeceiras máis recoñecidas das revistas de moda e así, por un lado, atraer ao público máis mozo, e, polo outro, poñer o foco na vertente da moda.
A apertura da trixésimo terceira edición da Mostra terá lugar o mércores 27 de marzo ás 15.00 horas, momento no que se iniciará o tradicional encontro de encaixeiras e encaixeiros da Costa da Morte no que tamén participará o alumnado das escolas infantís municipais.
O acto de inauguración coas autoridades será ás 16:30 horas. Logo, a partir das 18.00 horas, comezarán os primeiros desfiles: os máis pequenos do ‘PequEncaixe’ serán os encargados de pisar por primeira vez a pasarela e seguidamente os Grandes Deseñadores. Entre medias, amenizará a pasarela unha actuación de Lucía Pérez.
Durante os cinco días as firmas da categoría de ‘Grandes Deseñadores’, subiranse ás pasarelas da Mostra para amosar as súas creacións con encaixe.
O desfile de ‘ArtEncaixe’, que sigue afianzándose na programación, estrearase o xoves, 28 de marzo, ás 12:45 horas. Xornada na que tamén debutarán as persoas participantes no XXX Concurso de Noveis Deseñadores no que se repartirán un total de 4.500 euros en premios e participarán un total de 35 mozas e mozos que están a dar os primeiros pasos no mundo da moda. Contará coa actuación de Hydn. O venres 29 ás 20:30 horas celebrarase o encontro entre grandes e noveis deseñadores e o domingo 31, a partir das 19:30horas darase a coñecer o fallo do xurado.
A gran novidade desta edición, o desfile ‘ReEncáixame’, poderá verse por primeira vez o xoves, 28 de marzo, e repetirá o venres, 29 de marzo, e o sábado, 30 de marzo.
Outro ano máis volverán á Mostra as delegacións internacionais. O venres 29 ás 12:45 horas terá lugar o primeiro desfile das ‘Delegacións de encaixeiras internacionais’. Repetirán o sábado 30 ás 18:00 horas.
Un dos momentos máis agardados da Mostra son os desfiles do ‘Pequeencaixe’. As Escolas Municipais crean o seu propio encaixe durante todo o curso para posteriormente deseñar os vestidos e desfilar na Mostra.
O mesmo ocorre no desfile de ‘Encaixeiras Senior de Camariñas’ que terá lugar o domingo 31 ás 19:30 horas durante o acto de clausura do evento e no que veciñas e veciños do municipio amosan ao público as creacións que fixeron durante todo o ano. Unha cita que contará coa actuación de Astarot.
Este ano, ademais, os asistentes poderán gozar da música de Lucía Pérez e rirse a esgalla con Carlos Blanco nun monólogo que terá lugar o sábado, 30 de marzo, ás 20:30 horas na propia pasarela.
Durante os cinco días escoitarase nos pavillóns da Mostra o folclore das agrupacións Abrindo Rejo, Con toda en banda, Vaiche Boa, Asociación Mar Devalado de Camelle e Asociación As Cansorriñas. Tamén o VII Encontro de Corais.
Ademais, o Concello estreará un novo concepto na Mostra: o ‘Gourmet entre encaixes’, dedicado ao sector alimentario con food trucks.
- Un vecino de 43 años se precipita desde un 4º piso cuando lo iban a desahuciar en Vigo
- Pillada una posible infidelidad en 'Supervivientes' que pondría contra las cuerdas a este concursante
- Adiós a una "narcocasa" okupada en Lavadores: sus propietarios ordenan su derribo para evitar que siga el trapicheo
- Candela Peña desvela cuál fue la palabra que se le atascó durante el rodaje de 'El caso Asunta': "Tarde en decirla con acento gallego tres semanas
- La justicia pone fin a la batalla entre Rocío Carrasco y Antonio David: la inesperada resolución y a quien favorece
- Portugal vota hoy la eliminación de los peajes en la autovía que conecta la frontera y Oporto
- La sentencia de Jorge Javier sobre Candela Peña por su papel en 'El Caso Asunta': "No miento
- Aceite de oliva con romero, el secreto de la reina Letizia para combatir el envejecimiento: así se prepara