A Deputación pon o foco nas necesidades do rural de Pontevedra reactivando o seu comercio local a través do proxecto «Da túa man»
Con esta iniciativa búscase fortalecer a actividade de sectores estratéxicos da provincia, consolidando o comercio de proximidade, impulsando as economías locais e xerando postos de traballo de calidade
![O obxectivo do proxecto “Da túa man” é visibilizar e modernizar o pequeno comercio local para adaptar o rural pontevedrés.](https://estaticos-cdn.prensaiberica.es/clip/3c31e03a-87ad-4530-a04f-41f1a1c44fd0_16-9-discover-aspect-ratio_default_0.jpg)
O obxectivo do proxecto “Da túa man” é visibilizar e modernizar o pequeno comercio local para adaptar o rural pontevedrés. / Deputación de Pontevedra
Nos últimos anos, a sociedade avanzou a pasos axigantados cara uns novos hábitos de consumo, dos que destaca o uso das novas tecnoloxías e a dixitalización. Neste sentido, o obxectivo do proxecto “Da túa man” é visibilizar e modernizar o pequeno comercio local para adaptar o rural pontevedrés a esta nova realidade.
Este xorde para dar resposta ás necesidades dalgúns municipios rurais de menos de 5.000 habitantes, onde factores como a dispersión xeográfica, a falta de relevo xeracional no comercio ou a fenda dixital afectaron ao seu desenvolvemento. Concretamente, levaranse a cabo actuacións referidas á transformación dixital e do punto de venda, sustentabilidade e economía circular, subministración, sensibilización e formación.
A execución deste proxecto centrarase nestes 11 municipios da provincia: A Guarda, A Illa de Arousa, Catoira, Covelo, Crecente, Fornelos de Montes, Moraña, Oia, Pazos de Borbén, Portas e Vilaboa.
![A campaña aproveita as potencialidades dos produtos locais, culturais e turísticos destes municipios, favorecendo tanto a empregabilidade, como as visitas a estas localidades e a permanencia da veciñanza.](https://estaticos-cdn.prensaiberica.es/clip/b591d8ed-b0f3-4924-9b6e-a25ce046d60e_alta-libre-aspect-ratio_default_0.jpg)
A campaña aproveita as potencialidades dos produtos locais, culturais e turísticos destes municipios, favorecendo tanto a empregabilidade, como as visitas a estas localidades e a permanencia da veciñanza. / Deputación de Pontevedra
Así mesmo, preténdese crear vínculos entre toda a cadea de valor do comercio de proximidade e dos produtos quilómetro cero, impulsando unha estratexia común na que se impliquen as comunidades locais da man dos concellos e da propia Deputación de Pontevedra.
Así, aprovéitanse todas as potencialidades dos produtos locais, culturais e turísticos destes municipios, favorecendo tanto a empregabilidade, como as visitas a estas localidades e a permanencia da veciñanza.
![No marco de esta aposta, os produtos gastronómicos típicos destes municipios convértense en protagonistas.](https://estaticos-cdn.prensaiberica.es/clip/f1c745a1-582d-4c74-81fe-debef7af5f3b_alta-libre-aspect-ratio_default_0.jpg)
No marco de esta aposta, os produtos gastronómicos típicos destes municipios convértense en protagonistas. / Cedida
Entre estas potencialidades, atópanse algúns produtos gastronómicos típicos destes municipios, como a lagosta da Guarda, as navallas da Illa de Arousa, o carneiro de Moraña ou a cacheira de porco de Pazos de Borbén. Incluso, todos estes produtos contan con festas gastronómicas consolidadas en Galicia: a Festa da Langosta e da cociña mariñeira, a Festa da Exaltación da Navalla, a Festa do Carneiro ao Espeto e a Festa da Cacheira.
Ademais da gastronomía, o rural pontevedrés conta con moitos máis recursos turísticos, como o Mosteiro de Santa María de Oia, as Salinas de Ulló en Vilaboa, os cruceiros de pedra e as rutas de sendeirismo do río Tea en Covelo, ou as actividades acuáticas e o enoturismo en Crecente.
![Entre as festas gastronómicas consolidadas en Galicia que se podrán en valor coa campaña, atópase a Festa da Cacheira, ademais da Festa Langosta e da cociña mariñeira, a Festa da Exaltación da Navalla ou a Festa do Carneiro o Espeto.](https://estaticos-cdn.prensaiberica.es/clip/fa451630-ba5a-4bb2-81af-7103743f8d37_alta-libre-aspect-ratio_default_0.jpg)
Entre as festas gastronómicas consolidadas en Galicia que se podrán en valor coa campaña atópase a Festa da Cacheira, ademais da Festa Langosta e da cociña mariñeira, a Festa da Exaltación da Navalla ou a Festa do Carneiro ao Espeto. / Deputación de Pontevedra
Finalmente, as festas e celebracións tamén son típicas dalgunhas destas localidades rurais. Sen ir máis lonxe, en xullo atopamos o recoñecido festival de música PortAmérica, en Portas. Despois, en agosto, teñen lugar a Romaría Vikinga en Catoira ou o Festival de Folk de Fornelos de Montes.
Está claro que a oferta gastronómica, turística e de ocio destes concellos é moi ampla. Este é o motivo polo que administracións como a Deputación de Pontevedra, a través de proxectos como “Da túa man”, ven preciso poñer o foco no potencial do rural da provincia, co fin de fomentar o turismo nestes concellos, pero tamén de xerar valor e mellorar a vida dos propios habitantes do rural pontevedrés.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda