A Deputación pon en valor os produtos quilómetro cero do rural pontevedrés a través do proxecto “Da túa man”
Aproveitando os produtos locais, culturais e turísticos de 11 municipios da provincia, a Deputación de Pontevedra busca impulsar unha estratexia común que propicie a empregabilidade e permanencia dos veciños
![A Deputación de Pontevedra desenvolve o proxecto Da túa man (rural I) para adaptar o rural aos novos hábitos de consumo e implantar o uso das novas tecnoloxías.](https://estaticos-cdn.prensaiberica.es/clip/a11e26b6-3098-4585-97e0-d61f1af7b6c2_16-9-discover-aspect-ratio_default_0.jpg)
A Deputación de Pontevedra desenvolve o proxecto Da túa man (rural I) para adaptar o rural aos novos hábitos de consumo e implantar o uso das novas tecnoloxías. / Deputación de Pontevedra
Malia que xa pasaron catro anos dende a pandemia provocada pola COVID-19, o pequeno comercio galego segue a sufrir as súas consecuencias, especialmente no rural. Esta situación non soamente provocou perdas económicas irrecuperables, senón que tamén acelerou a transformación cara unha sociedade aínda máis dixitalizada, para a cal o rural galego non estaba acondicionado.
Neste contexto, a Deputación de Pontevedra puxo sobre a mesa a necesidade dun plan para visibilizar e modernizar o pequeno comercio local e os produtos quilómetro cero no rural pontevedrés, onde factores como a dispersión xeográfica ou a fenda dixital evidencian a necesidade de dar resposta ás carencias deste sector en certos municipios.
Así, a Deputación de Pontevedra desenvolve o proxecto Da túa man (rural I), que pretende adaptar o rural aos novos hábitos de consumo, implantando o uso das novas tecnoloxías, así como prácticas que promoven a economía circular e unha mellora no acondicionamento dos espazos. Desta forma, búscase ofrecer un servizo óptimo á veciñanza, así como atraer novos visitantes, poñendo en valor o produto local.
![Este plan xorde para visibilizar e modernizar o pequeno comercio local e os produtos quilómetro cero no rural pontevedrés.](https://estaticos-cdn.prensaiberica.es/clip/65cfe9be-194e-485e-857b-89457176a0f6_alta-libre-aspect-ratio_default_0.jpg)
Este plan xorde para visibilizar e modernizar o pequeno comercio local e os produtos quilómetro cero no rural pontevedrés. / Deputación de Pontevedra
Festas gastronómicas
Agolada, Arbo, Barro, Campo Lameiro, Cuntis, Forcarei, Meis, Mondariz, As Neves, Pontecesures e Rodeiro son os protagonistas da campaña, coa lamprea ou viño en primeiro plano
A súa execución centrarase en 11 municipios da provincia con menos de 5000 habitantes: Agolada, Arbo, Barro, Campo Lameiro, Cuntis, Forcarei, Meis, Mondariz, As Neves, Pontecesures e Rodeiro, aproveitando as súas potencialidades e os seus recursos locais, culturais e turísticos, descoñecidos para moitos.
Sen ir máis lonxe, nestes municipios teñen lugar algunhas das festas gastronómicas máis relevantes de Galicia. Por exemplo, a lamprea é un produto moi apreciado nesta provincia e dedícanselle dúas festas: a Festa da Lamprea en Arbo e a Festa da Lamprea do Río Ulla, en Pontecesures. O viño é outro dos protagonistas das festas do rural pontevedrés, atopándose a Festa do Viño de Barro e a Festa do Viño Tinto Rías Baixas das Neves.
Feiras e produtos culturais e turísticos recoñecidos
Ao longo do ano tamén se celebran a Festa do Lacón con Grelos de Cuntis, a Festa da Richada de Forcarei ou a Festa dos callos de Meis.
O rural pontevedrés tamén conta con feiras e produtos culturais e turísticos recoñecidos, como a Feira Medieval de Agolada, as praias fluviais e os antigos muíños de Mondariz, ou a Festa da Caza en Rodeiro.
Sen dúbida, o potencial dos produtos gastronómicos, culturais e turísticos destes concellos é moi alto. Por iso, proxectos como “Da túa man (rural I)” axudan a incentivar o consumo local, non só de cara a atraer turismo, senón que tamén para favorecer a empregabilidade e a permanencia dos veciños e veciñas destes territorios, cuxo valor é moi alto.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda