Coto do Castelo organiza a Festa do Raxo o 1 de abril en Graba
A cita, que inclúe música, ten as entradas á venta por 15 euros | O colectivo quere desestacionalizar os eventos gastronómicos
![Daniel Areán e Martiño Novo presentaron a festa xunto a Manuel Cuiña e Mónica González.](https://estaticos-cdn.prensaiberica.es/clip/d8e544ed-5398-44f7-91a6-ff9229b80228_16-9-aspect-ratio_default_0.jpg)
Daniel Areán e Martiño Novo presentaron a festa xunto a Manuel Cuiña e Mónica González. / salomé soutelo
Silleda engade unha nova cita gastronómica ao seu xa extenso calendario: Graba celebrará a primeira edición da súa Festa do Raxo o sábado 1 de abril.
A cita será no campo da festa da parroquia e está organizada pola Asociación Sociocultural Coto do Castelo. Dous integrantes do colectivo, Martiño Novo Canda e Daniel Areán Filloy, presentaron onte o evento no consistorio, acompañados polo alcalde, Manuel Cuiña, e a concelleira de Cultura, Mónica González Conde. En Graba víñase celebrando en agosto a Festa do Mexilón e o Bolo Preñado. “Son produtos con pouco arraigo, por iso decidimos apostar polo raxo”, explica Martiño Novo, tendo en conta tamén o peso do sector porcino neste municipio.
Engade que o raxo é un dos alimentos “que máis gustan e con máis tradición”. E non só cambia o contido da festa gastronómica, senón tamén a data: se ata agora tiña lugar no verán, dende este ano a cita de Graba será en primavera. Deste xeito, Coto do Castelo pretende “desestacionalizar as celebracións gastronómicas, que adoitan ter lugar todas no estío”.
Polbeiro
A festa do primeiro de abril comezará ás 22.00 horas, cun menú composto de raxo de porco con patacas fritidas e pementos, sobremesa, bebida, pan e café. Custa 15 euros por persoa, pero baixa a 10 euros para os nenos e nenas con menos de 10 anos. Haberá, ademais, servizo de pulpeiro, e a velada estará amenizada polo dúo Aires de Broña e o pinchadiscos Marcos Kintana. Os tiques xa poden retirarse nestes lugares: A Taberna de Graba, Cobideza, Agroservizos Alberto, Decores e Doar. As persoas que precisen máis información poden chamar aos números de teléfono 669 295 340 ou 689 374 614.
Pola súa banda, Manuel Cuiña quixo felicitar á entidade organizadora por esta nova aposta, con máis relación co territorio, e á que lle desexa unha longa vida.
- Un joven muere en su coche embestido por un Porsche que perseguía la Policía junto a la plaza de abastos de Cangas
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- “Míchel”, un trabajador del mar que regresaba de la nécora
- Accidente mortal en Cangas
- Un nutricionista desvela qué es lo primero que le quita a los pacientes que quieren adelgazar
- Andrea Janeiro vuelve a España y sorprendente a todos con su cambio físico
- El detenido por el accidente mortal en Cangas, trasladado a los calabozos del cuartel de la Guardia Civil