O IES Pintor Colmeiro asiste ao novo Certame Provincial de Regueifa da Deputación
REDACCIÓN
O instituto Pintor Colmeiro, de Silleda, é o único centro de Secundaria da zona que participa no Certame Provincial de Regueifa. Esta iniciativa está organizada desde a Deputación de Pontevedra e a Asociación Oral de Galicia. En total, tomarán parte 41 institutos da provincia.
O certame inclúe obradoiros en dúas quendas. A primeira comezou o 13 deste mes e rematou onte mércores, e a segunda durará do día 25 de outubro ao 5 de novembro. A demostración final está prevista para o 19 de novembro no auditorio do centro cultural e veciñal de Valadares, en Vigo. Esta demostración estará limitada a dez centros educativos, que se clasificarán en base ao nivel do alumnado, á súa implicación e ao número de rapaces e rapazas interesados.
Os obradoiros traballan en cuestións como a capacidade de improvisación ou conceptos poéticos como a rima, o ritmo ou a métrica. Estas sesións formativas botan man da perspectiva respectuosa e igualitaria, pero tamén da ironía e do sentido do humor, ademais da tradición e a cultura oral galegas. O certame provincial de regueifa celebrouse por primeira vez en 2019. Non é a única actividade na que colaboran a Deputación e a Asociación Oral de Galicia: estas dúas entidades tamén impulsaron dous volumes teóricos sobre esta improvisación oral, como foron Repente galego e Metodoloxía da regueifa. Convén lembrar que a regueifa é unha materia que pode escollerse como optativa noutro IES dezano, o Marco do Camballón.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda