Viaxes no tempo e na palabra
O IES Marco do Camballón organiza unha ruta arqueolóxica e difunde un documental
![Víctor García, de espaldas, amosa réplicas dos obxectos atopados nas excavacións das Mámoas de Oirós.](https://estaticos-cdn.prensaiberica.es/clip/9a0a0473-84e3-44dc-b1ee-b52680e104c2_21-9-aspect-ratio_default_1051181.jpg)
Víctor García, de espaldas, amosa réplicas dos obxectos atopados nas excavacións das Mámoas de Oirós.
O IES Marco do Camballón segue dando leccións de cómo impartir clases. Onte, os estudantes de segundo de Secundaria fixo unha saida arqueolóxica, coordinados polo exalumno e arqueólogo Víctor García Piñeiro, da empresa Cado. Esta firma foi a encargada das excavacións, durante o ano pasado, do xacemento de San Paio en Merza. Durante os traballos, neste enclave atopáronse restos de tres épocas distintas: a Idade de Bronce, a Idade de Ferro e a época medieval. Aquí o alumnado puido ver os restos da fortaleza medieval do monte, case única na Península pola súa estructura. Antes, en Oirós, o arqueólogo amosoulles reproduccións dos achádegos nas Mámoas de Oirós e que están no Museo Provincial.
Esta saída arqueolóxica forma parte do proxecto Palabras de Pedra, que desde hai varios cursos traballa sobre o patrimonio local de Vila de Cruces. Está vinculado ademais con outra iniciativa, o Proxecto Somos, co que se pón en valor a identidade.
Entrevistas a persoas maiores
Hai palabras e mensaxes que quedan grabadas sobre a pedra, e outras que perdurarán en soportes audiovisuais. É o que ocorre con outro proxecto recén estrenado, A escola das avoas. Trátase dun documental que presenta o centro esta semana e que recolle entrevistas cunhas 25 persoas maiores de Vila de Cruces, onde relatan non só cómo eran o mobiliario e o material escolar dos centros educativos de antano, senón tamén cáles eran as materias a aprender segundo o xénero do alumnado e tamén, cál era o papel da lingua galega e da castelá.
A peza dura uns 25 minutos e conta ademais cun vídeo de Xosé Neira Vilas no que abordaba esas vellas escolas. Nunhas xornadas tan intensas e tamén xa no tramo final do curso, a comunidade educativa do Camballón está pendente de coñecer o fallo do premio Antón Fraguas, no que participan con outra proposta, o Proxecto Oralidade. A palabra volve ser a protagonista, xa sexa a través do idioma ou a través da regueifa, que ademais é materia optativa neste centro.
Suscríbete para seguir leyendo
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda