Fútbol
A Federación Galega e Cinfo lanzan a televisión do fútbol e do fútbol sala galegos
![Presentación do acordo no congreso.](https://estaticos-cdn.prensaiberica.es/clip/37dc9d61-a259-421e-8165-0702b7c27a3f_16-9-discover-aspect-ratio_default_0.jpg)
Presentación do acordo no congreso. / FGF
A RFGF e Cinfo anunciaron no III Congreso Intercional de Adestradores de Fútbol e Fútbol Sala “O Camiño do Futgal” celebrado na Coruña esta pasada fin de semana que asinaron un convenio para poñer en marcha a televisión autonómica deportiva galega na tempada 24-25.
A televisión deportiva autonómica galega é unha plataforma de televisión por internet que permitirá a todos os afeccionados ao fútbol e fútbol sala ver os seus equipos locais. A televisión deportiva galega estará dispoñible a través de aplicacións en dispositivos móbiles, Smart TV, Android TV e navegadores. No servizo de navegación tamén terás un servizo multicámara e unha vista táctica para adestradores.
Con este acordo, 123 equipos galegos, tanto masculinos como femininos, que militan nas ligas autonómicas de fútbol e fútbol sala estarán dispoñibles nunha única plataforma onde todos os afeccionados poderán localizar facilmente o partido dos seus clubs favoritos. A RFGF reúne máis de 110.000 licenzas federativas que recibirán este servizo de forma gratuíta.
A retransmisión dos partidos utiliza o sistema de Intelixencia Artificial e de produción na nube Cinfo que permitirá emitir todos os partidos minimizando o custo e sen baixar a calidade, xa que os eventos poderán ter voz en off, repeticións, marcador e todo o necesario para ter unha produción atractiva. O centro de produción e control instalarase no CSA da Cidade TIC.
Esta plataforma será gratuíta para todos os afeccionados e está aberta ao resto de clubs e federacións de Galicia para que poidan emitir as súas ligas e crear unha comunidade deportiva galega arredor desta televisión.
Competicións seleccionadas
As ligas seleccionadas pola RFGF son a Preferente Galicia masculina de fútbol, a Primeira División Galega Arzúa-Ulloa DOP feminina e as Preferentes de fútbol sala masculina e feminina.
Modelo cooperativo
O proxecto ten un modelo cooperativo. Os propios clubs poderán xestionar o seu inventario de publicidade, incluso tendo os seus propios locutores, con presenza en pantalla.
"Outro acordo para a historia"
O presidente da RFGF, Rafael Louzán, mostrou a súa satisfacción tras a sinatura do convenio. "É un acordo máis para a historia do fútbol e fútbol sala galegos. Estamos tremendamente satisfeitos e temos que agradecer a Cinfo o compromiso que asumiu con este proxecto".
Ademais, Louzán destacou que "estamos ante un proxecto no que levamos anos traballando e que por fin chegou a bo porto. Ademais de ter a posibilidade de ver un gran número de partidos cada fin de semana, os propios clubs terán a oportunidade para xerar ingresos propios"
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda