A selección galega volve case 3.000 días despois
A Federación Galega anunciará nos vindeiros días o nome do seleccionador e o estadio, que apunta a Balaídos
Esta sería a nosa Irmandiña pero, cal sería o teu once?
A Real Federación Galega de Fútbol ten pechado un partido de carácter internacional no que será o regreso da selección galega absoluta. Será o 31 de maio (venres) e o rival será a selección de Panamá. Unha vez pechado o encontro, a RFGF está a traballar no escenario para a celebración do mesmo e tamén está previsto que nos vindeiros días poida anunciar o nome do novo seleccionador galego absoluto, que sucederá á dupla formada por Míchel Salgado e Fran González.
No tocante ó estadio, Balaídos parte como favorito. A Liga en Primeira División xa terá rematado esa data. Pero non Segunda División e tampouco Primera RFEF no caso dos xogadores galegos envoltos nas promocións. A Federación Galega anticipa que quere que lideren o combinado Iago Aspas e Lucas Pérez.
A selección de Panamá, pola súa banda, vai disputar o clasificatorio para o Mundial de 2026, que se celebrará en EEUU, México e Canadá. Recentemente foi semifinalista da Liga das Nacións da Concacaf, perdendo en semifinais con México.O seu seleccionador é o exfutbolista do FC Barcelona Thomas Christiansen. Español de orixe danés, tamén foi internacional con España e militou en equipos como o Real Sporting de Gijón, CA Osasuna, Real Oviedo, Racing de Santander ou Villarreal CF.
O Galicia-Venezuela, última lembranza
Venezuela fora o adversario e o partido rematara con empate, 1-1. Máis de 18.000 seareiros gozaran con aquel partidazo. Uruguai en 2005, Ecuador en 2006, Camerún en 2007 e Irán en 2008 foron os partidos da Irmandiña antes do encontro con Venezuela.
O presidente da Real Federación Galega de Fútbol, Rafael Louzán, amósase especialmente satisfeito. “Hai que ter en conta que é extraordinariamente complicado conseguir un partido deste nivel. Son moitos obstáculos os que hai que superar e agora, cun gran esforzo por parte da Federación, danse as circunstancias para que poidamos levar a cabo este soño”. Louzán confía en “vivir un día grande do fútbol galego no que os nosos mellores futbolistas estean respaldados por milleiros de afeccionados, no campo e tamén a través da televisión. Ogallá disfrutemos dunha gran festa do noso fútbol".
Aspas: "Levabamos moito tempo sen xuntarnos"
O xogador do Celta de Vigo, Iago Aspas, mostrouse ilusionado co retorno da selección galega ao céspede. Nunhas declaracións recollidas pola TVG, o dianteiro de Moaña asegurou ter "moitas ganas". "Levábamos moito tempo sen xuntarnos. É un partido especial para todos e para toda a comunidade", celebrou.
Ademais, Aspas confesou que lle pediron que intercedese con algún compañeiro para asegurar a súa presenza no amigábel. "Podemos ter un gran equipo, ao nivel de moitas seleccións top", concluíu.
- Un monstruo viene a vernos a Galicia arrastrado por el cambio climático
- Las firmas de moda vetan a Ana Obregón: la razón por la que cierran la puerta a trabajar con ella
- Un vecino de Cangas muere en un grave accidente de tráfico en la Autovía do Morrazo
- Los mejillones en escabeche caseros con los que no volverás a la conserva
- Un conocido escritor español carga como nunca contra 'El Hormiguero': "Un agujero negro donde se refugian insectos
- Britney Spears resuelve la batalla legal contra su padre
- Velada romántica del piloto de la F1 Lando Norris y Magui Corceiro en Vigo
- Kiko Hernández lleva a los tribunales a un viejo enemigo